Les jardinsÀ m' maison
par france godderis le, 13/01/2013quand j'etos tchiote mi, à m'maison y'avot qu'des rires et des canchons, min père et m'mère i s'adorotent , y avot m'grand-mère et nous : cinq tchiotes.
in t'ot pas riches té sais, cros meu, mais in s'aimot, in t'ot heureux.
et pis l'cancer un jour maudit, not' chère maman i nous a pris.
vingt ans apres j'in brais toudis, ind'zous d'mes draps , au fond d'min lit. après min père i avot cangé, l'chagrin il faijot ruminer et bin souvint i s'énervot et pis des fos i nous tapot.
ch'est pas pour cha t'sais qu'in n'l'aime pas, pour nous ché toudis "not'papa" acht'heure ,avec marie-louisse i finit s'vie, i s'fait de l'mouisse. si s'in fait ch'est pour ses infants; quand est-ce qui sarat qu'i sont grands?
el' vie pourtant al continue, in est marié, in a des fius. in leur apprind not' viu patois, in n'avot honte , nous, autrefois.
faut pas renier ses origines, in est du nord, ch'est nos racines. mais duc'in soit in sait d'abord qu'in est des fieus, cha nous rind fort.
france godderis-fieus ,1982
