ché rénovations
par minloute le, 20/01/2013in les zattindotent, cha arrivo par quartier, j' veux vous parler d' ché rénovations qui a eu à la fin des années 70 dins min coin au quartier du 2
yavo meme eu eune réunion pour expliquer à ché gins commint que cha allo s' passer, nan j'devro pas dire cha, i zont surtout insisté sur c'qui allo canger en miu .......
pasque cha a été pour ché ménagères, un sacré momint à passer
ah ch' est sur qu au bout du compte, tous ché carrelaches des pieches du bas i zont été cangés, l' fourneau avec toutes ses contraintes , chargemint pi faut l' dire plus d' poussiere noire dins l' mason , tout cha cha allo disparaite
sans oublier que ché ouatères i zallotent et' à l intérieur et qu in auro eune salle de bains
éto prévu aussi pour nouzautes l' cang'mint d' cauffache, in passo au gasse , sans compter ch' téléphone qui allo arriver incessamint sous peu
et j avo oublié , mon diu que malheur, la salle de bains avec eune baignoire, finies ché bassines dins l' cuisine , chacun sin tour l' sam'di aprés midi ...
bref eune révolution pour ché familes, plus d' confort cha ch'est sur ...
pi quand qui sont arrivés ché zouvriers , m'mère ale a déchanté
in peut l' vire sul' photo en fait i zont gardé su la droite jusqu ale premiere farniete qu on devine , ché anciennes briques, aprés i zont tout abattu, et rimplachés par des briques surchistes, ouais fallo abatte ché cabinets, boucher l' tout, armette eune nouvelle porte, faire l' salle d' bain
in s a connu nouzautes, arpliés à minger dins l' salon, pisqu i zétotent en train d arfaire ché murs ...
imaginez m' mère qu ale avo toudis sin plumeau à la main , à arroser ché plantes, imaginez quand qui li fallo aller jusqu' al' cuisine au fond au miyeu du gimcana que chéto l' chantier
sans vous parler del poussiere qui yavo, ni du bruit, i zavotent mis eune couverture entre l' salon et l' cuisine mais bon faut arconnaite qui a des coups chéto nuits et brouillards d' not' coté quand meme
sans compter m' mère qu ale avo pas ker les zintinte buquer dins ché murs à faire querre des pans entiers, "mon dieu Léonce, l'toiture ale va querre" ...
meme qui a un momint qu in a du aller minger au restaurant, ouais, in a été in bas aux quat ' chemins , du qui yavo au coin , coté du qui a ch' camion d' pizzas et ch' cinsier qui vindo ché pétotes en grands sacs, yavo au coin un café qui éto fait dans eune viele mason d' villache, in déchindo meme eune marche pour rintrer d' dins, chéto tenu par l' famille Dupluich
ouais pasque chéto pas l' tout d abatte ché murs, d arfaire des cloisons, y a fallu juer à cache cache avec ché meupes , bin ouais , i carrelotent
donc fallo vider eune pieche à l avinche, mette ché meupes dans telle aut' pieche , pi après arbouger ché meupes et ainsi d'suite
cha a vraimint été pénipe pour ché gins, et fallo y passer in pouvo pas arfuser , ch' est sur qu après in a été miu , mais sul' coup , in l a sinti passer
en photo , ch' est l'courette, avec au fond les nouveaux ouatères et l' nouvelle intrée del mason
ensuite in devine su la droite que ché ché nouvelles briques surchistes
ech vo din esse n'article à minloute y parle dé ch'café Duplouich
j'a bin connu el fille elle éto professeur de danse à Bruay, in avo collaboré din un spectacle au skating
el photo du programme ci joint j'avo 16 ans
J'vos cor de temps en temps ech garchon du café "Jean-François DUPLOUICH", i vient de temps en temps à l'bibliothèque, et i dot avoir une petite cinquantaine d'années.
par loumarcel le, 23/01/2013Vous savez mi j'ai d'aut' programmes de spectaque fait au Skating in bas de l'rue R. Deruy, mis in scène pas not' ami Vauthier, des spectaques avec mes biaux frères et m'belle soeur qui avotent fait un orchestre insanne. j'cros que j'te les ai invoïés Daniel nan?
( 2 photos)