Les jardinsy a in quarantaine d'années
par maurice devos le, 20/01/2013chés deux premières photos cha date intre 1965 et 1970, din l'carette yavot bin sur min père , em'mère in ed' mes jones soeurs et min tiot frère qui d'vot avoir din les 15 ans , chetot du coté d'Fontainebleau
d’après chés gendarmes cha arrivot ed'tins in tins ach't'indrot la , yavot par momint un tiot coup d'vint et d'apres eusses , ché suremint c'qu'ya du s'passer au momint qu'min père yarrivot
el 3eme photo ché l'même carette mais ch'coup chi ché mi qu'yétot ach'volant et tout seul din l'carette , j'arvenos d'in tiot patelin à coté du Havre , ducqu' qu'ech'travaillos à l'époque al construction "tuyauterie" d'in usine
chantier fini pour mi , j'rintros tranquillemint am'mason , et tout d'in coup un haut d'in tiote côte, ed' chaque coté ed's'arpes, sauf au momint qu'j'ai comminché à naviguer ed'droite à gauche, yavot un vide ed' chaque coté , apres ête parti 1 fos à gauche d'el route , in fos à droite et cor in fos à gauche, ch'su arvénu d'su l'droite et la ch'su parti din chés camps
heureusemint yavot pas un kien d'su ch'te route ed' campagne, ché un pylone électrique qui ma arrêté , heureusemint pour mi j'avos des stabilisateurs , et ché eusses qui m'ont impéchés d'em rinverser comme min père
chetot un début 1973, j'venos d'faire batir et j'habitos em'nouvelle mason ed'pu aout 1972, j'm'artrouvos sans carette , bin sur sans caravane , j'voulos pu conduire , j'avos racaté in mobylette et bin sur obligé d'faire du déplachemint mais seulemint din chés invirons d'Lens
j'ai racaté in carette au bout d'in paire ed' mos , j'étos bin obligé et j'ai racaté in caravane aussi
( 3 photos)
