té va vire en sixieme...
par minloute le, 24/01/2013oh j éto pas rassuré, j éto en classe en cm2 avec Mr Zarzinski, à Loubet bin seur, et pour mi j a l' souvenir que cha devo et' s' premiere classe qui inseigno...
et j'sais que ch' année là, j m' a cassé l' bras, alors au début fallo pas que j' sois dins l' cour d' récré, j' sais pas si chéto mes parints qui avotent décidé cha , j' pinse quand meme
et donc j' passo mes recréations dins l' classe avec deux zautes que j' sais pu pourquoi i pouvotent pas déchintent dins l' cour
et yen a un qui m a "armonté" min moral, savez l' cm2 ch'éto l' derniere année à loubet, in éto un peu ché maites, in tout cas dins l' cour d' récré in éto ché plus viux ...
et un d' ceux avec qui j éto dins l' classe i discuto avec sin camarate et i parlo de c' qui s' passo au CES, et dins ché lycées
pour nouzautes chéto un monte inconnu, aprés avoir été ché plus viux , ceux qu on respecto, vla ti pas qu in allo et' ché plus jones
pi min camarate i nous zin raconto , faut dire qui avo des frères et des soeurs dans les classes supérieures
et cha m avo pas rassuré
"fallo faire des rédactions d' 4 paches minimum dans un laps d' temps court"
"yallo avoir des calculs, que dis je des mathématiques, des racines carrées (là i s a pas trompé , cha a été m' n hantisse jusqu al' terminale)
" pi ché profs i dictotent pas i fallo printe ché cours à la volée, pi fallo écrire vite"
" pi ch' prof i écrivo tel' mint vite qu in avo meme du mau à l arlire ..."
"pi in allo avoir plein d' profs, qui n a que ch' étotent des piaux d' vaques"
" mais que ch' éto plus moderne et qu in écrivo pu au stylo plume "
i raconto aussi, imaginez un jone minloute d' 10 ans, i raconto qu' sin frère qui éto en quatrieme i avo eune copine et qui doquo ensempe (j ' avo et j a cor des doutes sur l' vérité vraie d' cha in particuyer)
nan pi fallo faire attintion avec ché grands pasque i n a qui étotent pas commotes
pi qu in pouvo avoir d' zheures d' colle etc etc
j' continue pas pisque la cloche d' la fin d' la récré ale vient d' sonner
faut dire que dans l' quart d heure qui suivo , j a eu du mau à acouter ch' cours qui donno ch' maite, j' me voyo djà , un peu comme eustache de saint pierre , savez l' bourgeois de calais qui a amené ché cléfs d calais au roi d angleterre, avec eune corte au cou ......
rin qu'à intinte parler mes tiots infants , ch'su bin contint ed' pas avoir été din chés classes la , chés cangemints d'professeurs à chaque cours , des horaires incroipes
es'déplacher d'long bin souvint pour 1 heure ed' cours , cha m'arot bin vite découragé ,
ché vrai qu'mi j'parle d'ech' "C E S" j'sais pas si ché l'même qu'el 6eme ?
mais si ch'comprinds bin , y étotent plus avinchés qu'nous , bin qu'ta l'air d'in douter aussi minloute