ché lulus
par minloute le, 25/01/2013bin j' viens d in apprinte eune, j' pinso ...mais faut arcommincher au début ...
ch' est ch' temps que zavez inch' momint dinch' pas d' calais qui m a faire busier à cha ...
avec eune pensée pour André de Marles qui do faire pas mal d' kilometes de ch' temps là in carette tous les jurs
la neiche ou plutot ch' verglas ou l' neiche gélée, cha m' fait rappeler plein d' chosses
ché chintes qu in déverso d'vant ché portes, ché coups d' pelle qu in donno pour que ché trottoirs i so praticapes, sans parler commint vous dire d' l atmosphere confinée qu on arsinto quand qui faijo ch' temps là ...
mais la vie ale s arreto pas , pasque si yavo fallu tout arreter dès qui neigeo, bin in auro pas fait grand cosse, pasque in a tous d' sacrés souv'nirs d' neige dins not' infance
alors ché sur aussi que ch'éto pour nous des souv'nirs ptete arringés ou embellis ou exagérés , ptete qu in voyo la neige plus haute , des averses d' flocons interminapes, un vrai temps du canada quoi
in tout cas fallo aller querre ch' pain, pi faire ché courses, mi j avo toudis un tchiot peu peur, nan pas pour mi, mais d abord pour m' mère
pauv' maman si té m écouto..... faut dire que m'mère ale marcho un tchiot peu comme un canard, alors mi qui avo pas m' langue dans m' poque quand que j éto jone...
j y dijo , attintion M'man, reste pas bloqué
am dijo pourquo, et j y dijo si t avinche comme cha ( et j' l imito lourdemint) té vas faire ch' chasse neiche ...
ale rio d' bon coeur ...
min père aussi cha m inquiéto quand qui sorto et que l' neiche ale été ingélée, faut dire qu avec s' gampe raite i avo du maux à avincher
mais tout cha chéto sans compter sur les "lulus" , mi j avo toudis cru que les fameux lulus chéto un surnom qu in leur avo donné al' mason
bin là in cachant sur l arnitoile, que j a vu que les crampons de marque lulu cha existo ..
alors d abord à quo cha arsemblo , yavo deux modèles, m' mère ale avo un modèle cor assez pratique à mette, chéto donc des crampons, eune plaque metallique qui avo des dints, et qu in faijo tenir sous l' chaussure avec eune sangle élastique
cha chéto l' modele l' plus facile à mette, mais connaissez min père, am' mote qui avo un modèle qui devo djà utiliser en 1930, mais d un pratique, in plus li avec s' gampe raite, pas facile à mette , cor heureux bin sur m' mère ale éto là ...
li chéto des crampons plus acérés et qu on attacho avec des lanières en cuir, chéto d un pratique
pi savez l' pire chéto pas quand qui marchotent dans la neiche, chéto les quelques pas qui fallo faire such' carrelage pour arjointe la porte d intrée et sortir sous ch frimas
min père et m' mère avotent commint vous dire, allez j' va vous la faire scolaire, i zavotent un peu la démarche de l albatros quand qui avo du mau as' déplacer su ché bateaux
j sais pu si ch'est du baudelaire ou du hugo in tout cas ch' est l un des deux .....
mais j' do avouer, meme si j'em moquo, j éto contint d' les vire rintrer à mason eune fo ché courses à l extérieure faites
pour in arvénir ach' trottoir, chéto presque un devoir civique del nettoyer, d' artirer l' neiche, comme chi in auro eu honte si yavo eu quéqu un qui s'ro qué à cause d' nous
savez, chéto aussi eune question d' éducation, d' propreté, chéto évident qui fallo l' faire
laisser sin trottoir inneigé chéto comme pas laver s' carette ou laisser sin gardin en friche ....
cha s' faijo pas ...
Ci-joint la photo de mes lulus
bin au moins ech'sais c'que ché qu'des lulus , du moins at 'façon , pour mi in lulu "d'apres mes mots crasés" ché un tiot osieau "in tiote alouette"
( 1 photos)