à tous questions sur la guerre d'Algérie (1)
par maurice devos le, 09/03/2013quo qui pinsotent chés gins ed'bruay ou d'ailleurs de ch'te guerre ? , cha restot bin loin d'le soucis quotidiens , sauf pour chés parints , "mères , femmes , etc" et ché très compréhensipe
quand j'su arrivé al mason yétot 4 ou 5 heures du matin , j'arvenos à pied d'el gare du 11 , em 'mère al m'attindot pas , pisque j'y avos écrit qu'ech'rintros pas al date prévue à cause du R A B ed'15 jours qu'ech'devos faire , et j'n'ai fait qu'huit jours
j'ai buqué al porte ed'vant , j'avos vu el lumière , al a vénue ouvrir , al ma ravisé comme si j'étos un arvénant , al ma pris din ses bras comme jamais al l'avot fait, et in a braie tous les deux , faut dire aussi qu'j'avos maigri d'un sacré coup , j'faijos même pu 60 kgs
ché un momint qu' j'oublierai jamais , al avot pas grammint été à l'école , al écrivot difficilemint , bin vous crorez si vous voulez , el'seule lette qu'al a fait din s'vie ché quand qu'j'étos la bos , j'l'avos gardée précieusemint mais j'l'artrouf pu
pour mi contrairemint à grammint d'autes , j'ai pas eu d'problême , j'ai artravaillé comme si y savot rin passé , p'têtre un plus fort caractère , rinforché par note dur traval ed'mineur