chez NEN
par minloute le, 12/04/2013chez Nen , chéto un magasin d alimentation qui éto dans l' rue anatole france, pas loin d' la framacie, et d' chez Madame Vanghelder qui faijo ch' coin
in y allo régulier'mint "chez NEN", mi j avo pas trop ker y aller, j' vous parle d un temps du que j'devo cor avoir des courtes gampes ....
j 'vous dit cha pasque y avo 2 grosse marches à monter pour arriver dinch' magasin, mais voyez avec el'temps pi avec l' vision qu in a quand qu in éto tchiot, chéto d' sacrées marches à "escalader"
l impression que ch' magasin i éto hauteur, j viens d' raviser sur google maps, am' mote , mais j in su pas sur que ch' magasin i devo et' juste à coté del mason qui a été arfaite en briques rouges
pour mi , l' entrée du magasin ale éto centrale, eune vitrine d' chaque coté
j' sais que bin plus tard cha avo été arpris par un arape, yavo meme des cageots d' légueumes d' chaque coté del porte
j' me souviens aussi qui yavo eune enseigne, qui éto perpendiculaire ach' mur
fond blanc et yavo du rouche à l intérieur
alors après j' do vous avouer que cha fait quequ' temps que j'avo un doute, j éto persuadé que quand qu in allo "chez NEN" , que chéto l' nom d eune chaine d' magasins, un peu comme y a eu les magasins "spar" ,ou plus tard "shopi" ..
j' va cacher sur l arnitoile, bin rin, pas d' traces d' eune enseigne d' alimentation qui s appelo NEN
après j m' a dit , ptete que chéto simplemint l' nom d' chez propriétaires, comme in dijo in va "chez Cadot" au lieu d' dire qu in va al' droguerie ou chez not' fameux Omer et sin saucisson à l ail au lieu d' dire qu in va al' boucherie ...
mais j a quand meme l' souvenir , un peu grinmint brouillé, qui yavo ché 3 lettres NEN , sur l enseigne
à m' n'époque y avo un magasin NEN à St Pol aussi et à Berck ville
par Sopraniste de Bruay le, 12/04/2013Rue Marmottan à Bruay, il y avait également un magasin NEN que j'ai bien connu en 1959, dont la maison se trouve encore à droite de la caserne des pompiers.
La facade a changé plusieurs fois de look.. elle est maintenant en rénovation..
Ci-joint 2 photos
( 2 photos)