93 bougies le 8 mai
par minloute le, 08/05/201393 bougies aujourd hui pour Manman, am'mote qu' ale do pu s in souvenir, ah as' souvient cor del date mais ale fait certain'mint pu l' rapport que ch'est aujourd hui ...
mais comme ale dijo , j' su pas née un jur normal,l' 8 mai ch'est aussi la fin d' la seconte guerre mondiale
j in avo bin discuté avec mes parints de chte périote, i parlotent avec enthousiasme d' la libération d' bruay en septempe 1944
chacun avo ses souv'nirs personnels, min père qui avo failli y rester si yéto pas parti juste avant d' l hotel de ville avant que les allemands i viennent pour récupérer ceux des leurs qui étotent prisonniers d' la resistance
m' mère chéto les tirs des allemands dins ché farnietes durant leur retraite, pi ch' vigin blessé par eune balle perdue
l arrivée des alliés, l' espoir que cha avo fait naitre
mais vite i passotent à " l après" , pour min père ché tribunaux du que tout un chacun v'no accuser sin vigin pour eune broutile, et pour m'mère certaines femmes qui avotent été tondues sans qu ale zaient fait un "crime" passipe d' cha
mais bon la nature humaine ale arprint vite ses droits
alors j'leur dijo, chéto miu après l armistice? que non qui dijotent, chéto meme plus dur pour nouzautes ,in s attindo à c'que tout ale tout d'suite miu
à m'mère d' raconter les quémiches qu ale faijo pour min père dins du drap d' lit, ch' linge qui séquo dins ch' gardin et qui avo disparu, l' boutele d' lait parel disparue su ché marches d' l hotel de ville quand qui yavo eu l'distribution ...ché tickets d' ration'mint etc etc
1945 2013 cha fait .....68 ans.......cha comminche à faire , ch'est pour cha que j a voulu recueillir l' maximum d' souvenirs quand qui zétotent cor là physiqu'mint ou simplemint qui s in souvenotent cor ...
93 ans pour m' manman, cha comminche à faire aussi, et tant qu in a cor s' m'manman, in a cor eune sacrée chance....
mi j'ai pus de maman. ale est partie y a 3 semaines.
par france godderis le, 13/05/2013juste pour dire à minloute que je l'envie , même si le temps fait son oeuvre, hélas, avoir sa maman , ça doit être génial