ch' solex

quand qui travaillo à Barlin, min frère i avo eu un Solex....
pour ché plus jones, y a qu à aller vire sur internet pour raviser à quo cha arsemblo

d' ailleurs à quo cha arsemblo? à un mitigé vélo mobylette...

so eune mobylette qui avo pas grandi, avec un tout chtiot moteur sul' devant

ou alors eune espéce d' vélo archaique que pour qui avinche plus facil'mint , in li avo mis à l avant un tout tchiot moteur ...

autant quand qui devo partir del mason, in haut d' la rue anatole france , pour aller à barlin, y avo qu eune grosse cote à s' farcir, l' cote qui yavo juste aprés l' chemin d' fer, juste au pied d' la montée vers Barlin

juste aprés toute l' zone industrielle de ruitz

par conte quand qui arvéno, après sin traval, i s' coltino l' fameusse cote du mont d hélin, qui comminche du qui yvo l' pépiniere Maréchal, et chelle lale, i pouvo pédaler pour aider ch' moteur , pour arriver in haut ...

sans compter qui s' coltino pour finir l' derniere cote, in partant du carrefour des quat' chemins jusqu à la rue leverrier

y a bin des coups i pesto quand qui rintro, suffiso qui a du vint, ou pire , comme cha peut arriver rar'mint dins l' région , si y pleuvot .....

là i ralo en rintrant , bon après i s a payé s' premiere carette et cha ét aut' cosse, mais j' me souviens un coup qu in arvéno d' vacances, in éto arvénu par barlin et in l avo doublé sul' route

arrivé al'mason i ralo pasqu in s' éto pas arrété et qu in avo pas mis sin solex dinch' coffe, in avo eune 403 à l époque ........

pour in arvenir au solex, in in voyo quand meme grinmint, mais l' premier coup d' grace qu in pourro dire, ch est quand que cha a été obligatoire d' met' un casque , pi , avec l' progrés, ché jones i s'sont désinteressés de chte moyen d' locomotion plutot archaique, et faut l'dire ché pas avec un solex que t allo imballer eune garnoule .....

Pour compléter si Minloute me l'permet, j'précisero que pour ch'vélo-solex in metto d'el solexine comme carburant.
Comme in n'in treuvot pas partout in metto un bidon sur un porte bidon fixé sur el fourche avant.
C'qui avo d'esse spécial sur ché solex ché ampoules chéto du 14 volts. Mi j'metto ch'type d'ampoule à l'avant d'min Peugeot 103 et j'inlvot celle du feu arrière. Cha faijot in éclairage blanc digne d'in n'voiture.
J'acatos ché ampoules ach marchand ed cycles carrefour rue Marmottan et rue Casimir Beugnet.

A Nice in in vo incore un ed timp in timp y a un petit garage qui les r'tape et qui les arvin
el gros inconvénient d'ech solex chéto l'hiver avec el neige comme y éto intrainé par un galet el neige elle faijo patiner
j'in ai eu un mais pas longtin

et pourquo pas imballer in garnoule avec sin solex , el principal ché pas l'machine , mais ch'ti qu'ya d'su , j'dis cha mais j'ai jamais eu d'solex