dans ton coingue .....

taleure j' sors del mason et l' voisine al' m alpague , ale m a d'mindé si chéto pas "dans mon coingue" avec l accent du sud ouest, l' reportache qui éto passé à 13 h sur tf1....

savez ché 2 zinfants d' 10 et 11 ans surnommés par la chaine d' télé "les enfants de la terreur" dans eune école d' bruay labuissiere

bin ouais que j a du li dire, ale s a moqué d' mi , faut dire que sur tf1 , quand qui faut montrer des bio paysaches, ché toudis du coté d' Nice, et quand qui a des faits divers souvint ché nous qu on trinque

personel'mint , faire un sujet national sur 2 "terreurs" de 10 et 11 ans qui foutro l' brin à l école , ch'est que vraimint in a pas grinmint d' cosses à s' mette sous la dent en chte fin d' semaine ..............

in a eu not' "overdosse" de crues du sud ouest, meme nous in n' avo un peu marre, pi là , in met cha sous les feux des lampions.......

d un aut' coté, au delà de chte surmédiatisation, mi cha m étonne qui sait pas régler l' comportemint de 2 jones d' 10 et 11 ans dans eune école primaire ......

j' va pas faire ch' viel ancien combattant, mais "d' not' temps" cha se s'ro pas passé comme cha

am' mote qui zaurotent djà pris eune "dégelée" par ché maites, mi à loubet j in a vu , et j in a archu des baffes par ché zinstituteux, et j in a meme vu un qui donno des coups d' ceinturon , véridique

sans aller jusque là, j' a du mau à comprinte qu in in so là asteure , pasque si in sait pas régler cha, à leur ache, mais dans 5 ans comme diso min père, in va in faire des "assassins"...

J'ai vu cha aussi sur BFMTV, chéto em' ancienne école quand j'éto in primaire in 1946.. affolant.. on armet Bruay sul tapis....

i a pas que les crues qu'in a vu pendant ...et sans arrêt...In a vu aussi el pub qui diso qu'in auro betto pi l'dro d'in mette eune (giffle) à ché jones. Alors quand minloute i rappelle "les dégelées" des maittes à Loubet, i faut envisager que très prochainement quand un jone i t'dira "ferme ette Gu..." té devra i répontte "Amen"... et bien sur t'excuser d'avoir eu l'impudence de t"adresser à li din des termes qui n'y plaisotent pas.

Au fait, si in compte bien que che soit par ché maittes ou nos parints, des dégelées on n'en a pas eu beaucoup de giffles ou de dégelées, mais in obéisso passe que on savo que cha pouvo éventuellement kère.
El semaine passée, l'Avenir de l'Artois il a fait 2 pages pleines sur el famille "tuyau d'poêle" qui sème la perturbation à l'école Jules Ferry