Les jardinsgrâce ach' z'infos
par maurice devos le, 11/08/2013ya 2 ou 3 jours ach's'infos y z'ont dit qui z'avotent trouvé un vaccin conte el palu , du coup bin sur cha ma rappellé un souvenir
chétot fin 1964 et pour el première fos j'rintros al mason d'em futur femme et ché ch'jour la qu'em futur belle doche al m'a prévénu , pour vous marier faut m'prévenir 6 mos à l'avinche
mi comme un con j'l'ai prisse au mot, après un subtil calcul j'ai répondu "bin cha s'ra alors pour l'mos d'mars", j'ai eu l'temps ed'pi ch'temps la d'l'argretter , et la j'in viens ach'palu
15 jours ou 3 semaines après , avec mes parints in a décidé d'les inviter à diner , j'ai donc été les ker avec el 403 d'min père , j'ai pu d'souvenir d'ech'repas mais cha devot ête bon pisqu'chétot mère qui l'avot fait, donc in a suremint bin minger
pi din seul coup din l'courant d'l'après midi , j'ai comminché à avoir frod et à claquer des dints
cha comminchot plutot mal pour nous chés tourtereaux , cha a continué, à tel point qu'ché min père qu'ya du arconduire chés invités , el lendemain comme d'hab j'm'ai levé frais comme un gardon , j'ai pris ch'train pour marly les valenciennes , du qu'ech'travaillos à l'époque
et cha m'a arpris 2 fos quasimint din l'même mos, un an ou deux, plus tard, pi ed'pu
ch'temps pu rin, ché longtemps après qu'min toubib ed' l'époque qui ma dit qu'chétot des crisses ed'palu
mi j'l'avos jamais dit , mais ch'pinsot plutot à in allergie,,, à m'belle doche
