print tin timps ....

asteure in n a moins, mais ch' est vrai qu in éto bin plus bloqués avant sul' route avec ché passaches à niveaux

ch' est en t arlisant Christian que j' m a souv'nu d' cha

min père quand qui conduiso, chéto pas fandjo , cor que ch'éto pas l' dernier à avincher, mais yavo horreur et j' do avouer qui m a transmis cha, y a horreur d attinte in carette ...

quand qu in arvéno d' Merlimont, ou qu in allo à Houdain, ah fallo pas que l' barriere as' baisse ...

yauro pas forché ch' passache, nan yéto cor raisonnape, mais si après l' sonnerie stridente et ch' feu qui clignoto ché barrieres as' baissotent jel voyo s armuer d' énervemint sur sin sieche...

commint que ch' garte barriere qui éto in train d arbaisser l' barriere, commint qui avo osé l' déchinte JUSTE AVINT qu in passe

qui l' arbaisse derniere nous, chéto normal, mais avant nous, chéto comme un crime d' lèse majesté

minquo pu qu après ch' train i mette un temps fou pour passer, et cor y a des coups chéto simplemint eune loco, qui avincho tout douch'mint, et l' pire yavo un des machinistes qui passo s' tiete par l' farniete, cigarette dins l' bouque , tout cha à 10 à l heure

print tin timps qui dijo min père ....

eune fo qui éto passé, bin du qui éto passé ch' garte barriere ?
m' mère "calme te Léonce, y a ptete un aut' train dans l aut' sens"
cha loupo pas, là chéto un convoi, et j' liso dins m' tiete les noms qui étotent marqués sur ché citernes

j a précisé "dins m' tiete" pasque dans l habitacle chéto grand silence, in sinto l' tension, pas l' momint à donner des coups d' pieds involontaires dins l' sieche à Papa, sinan ché ti qui prenno pour tout l' monte ...

bon cha y est ch' deuxieme train y est passé, et ch' garde barriere ? Ah l' vlà, print tin timps, qui ardijo min père, et l aute , cigarette roulée au bec, tout douch'mint i v'no arléver ché barrieres tout en ravisant au loin à l horizon, ché rals d' ch'min d'fer qui disparaitossent au fond dinch' tournant (in diro du verlaine)

min père i passo , que dis je , i s ingouffro, bon eune fo que l' barriere ale éto bin arlévée quand meme , et m' mère ale i dijo après "in fait pas la course" ale avo peur qu' min père i rappuie such' champignon comme pour rattraper ch' temps perdu

quand que j 'dis "rappuyer such' champignon" chéto tout relatif, ch' moteur i vombrisso ouais, mais chéto quand meme eune 403 peugeot break...

cha peso plus d eune tonne ch' t engin là ...

mais savez rigolez pas, in a failli viffe un drame avec ch' passache à niveau
in tout cas chéto juer d' malchance ..
min père qui éto énervé i d'minte am' mère un bonbon, chéto pour l' calmer ...
m' mère ale ravisse dins sin sac, et comme d habitute , ale déplie ch' papier ,et comme à l églisse hop ale i intinque ch' bonbon dins l' bouque , comme eune ostie ..

ouais mais là min père i éto sur les startines bloques, pret à bondir, que dis je , l' barriere ale éto arlévée et vlà m' mère qui veut li intiquer ch' bonbon

mon diu , min père y a cor gueulé, "mais fait attintion", j' vous dis cha , yavo eu un grand "meeeeeeeeeeeerrrrtttte" juste avant, sans compter ch' bonbon qui éto parti valdinguer dins ché tapis d' sol ....

dins les zannées qui ont suivi et cha s' poursuit cor d ailleurs, in a presque supprimé ché gardes barrieres, et in essaye d améliorer la sécurité à ché passaches à niveau ...

a'mote qui veulent te pu que des incidents comme ch' lancer d' bonbon i arriffe pu ....