histoire d' pomme et de coutiau la suite
par minloute le, 29/08/2013là eune fo assis, i m' dijo d' s assire à coté d' li, cha sinto la terre, pi l herpe , in éto bin tous les deux au miyeu du champ, loin des zautes, presque l un conte l aute
i sorto l' pomme et l' coutiau d' eune serviette que m' mère ale avo mis pour pas que j' me blesse , cha va , j l' avo pas fait querre à terre ...
i frotto l' pomme , pi i prenno sin coutiau et i faijo des rondelles bin fines
mi jel raviso et bin sur , j' devo avoir un air d' cocker in guinse , qui m in donno un morciau , délicat'mint
mon diu qui éto bon ch' morciau d' pomme , qu' min père ou plutot que j' partageo avec min père, un momint à nous .....
i faijo bio, et dins l' ciel in intindo ché zalouettes, bin savez cor aujourd hui, et ch'est pas un effet d' écriture, j' vous assure que quand que j intinds l' chant d' l alouette dins l' ciel, j a qu à freumer ché zieux, et j' fais un bon dins l' temps et dans l espace et j m artrouve, tout tchiot d' 8 ans , à coté d' min papa ....
quand que j intinds l alouette , j' m arrete, pour mi ch'est comme si min papa et im' faijo "psstt" , pour dire qui est là ...