petit billet su la rintrée
par minloute le, 01/09/2013ch' a y est ch' mo d' septempe est arrivé, fini ché vacances, bonjour ché cahiers ....
in s'rattache cor à l espoir qui reste queques jurs, mais l' coeur y est pu
cha sint la rentrée, ch' cartape y est arsorti pi briqué ...
j' diro meme que du qui est, i semble m' raviser, faudro quand meme qui arrete d' em narguer ......
in a été arquere eune "belle blousse" comme chi cha allo nous faire aller à l école "quat' pattes d un coup" ...
dins ché trousses, crayons , compas, règle in bo, porte mines, comminchent à s agiter, bientot, enfin , vont pouvoir arsortir et occuper l' devant d' la scène
cha sint la rintrée, in a pris rendez vous ach' coiffeur, "faut et'bio pour la rintrée" comme si chéto un concurs d' beauté
pi y a ch' grand frère qui arrete te pas d' em deminder quand que ch'est l' jur d' la rintrée , rin que pour que j' réagisse ....
plus d enthousiasme, in est résigné
résigné aussi par rapport ach' temps, meme si in a eu du bio temps si si cha arrivo , dès l' 15 aout pi plus que t avincho dins l' mo, t avo qu à intinte ché jardiniers qui disotent qui faijo plus frod au matin
et que cha "commincho", ouais cha commincho tout douch'mint à sintir l automne
les prémices , qu in auro pu dire
meme eux, meme ché jardiniers i sont résignés, oh y a cor du traval, y aura cor d' belles jurnées, mais y aura d' moins en moins à ramasser, à rimplir ché brouettes
alors quo faire, continuer à juer quand meme, aller racater avec m' mère à mon d' chez defernez un stylo bille bic transparent et 2 ou 3 bricoles ...
mais j auro dro aussi au regard commerçant d' Louisse Defernez qui m' dira, " ALORS ch est bientot la rentrée ?"
comme si elle, eune adulte, ale le savo pas, as' deminder si ale le faijo pas expret aussi , rin que pour m asticoter ....
pour passer l' temps , avec mes camarates in allo juer al' pature dins l' rue, mais meme nous , in s'considéro comme in sursis
minquo pu que l' diminche avant la rintrée que m' grand mère qui veno minger , comme chaque diminche, ale n armette eune derniere couche "alors ché là que t arprint l école?"
et min père , qui m assassino en répondant "ouais pi i va in mette un coup ch' t année"
"ah ouais" qu ale dijo m' grand mère ?
mi j' diso un petit"ouais" , pour essayer d' pinser à aute cosse et que surtout in arrete d' em' signaler que ch'est bientot la rintrée
au fait, si in n a qui l' saffe pas cor, ché bientot la rintrée des classes, si si...