in parlant d'blockhaus
par france godderis le, 07/09/2013 avec mes parints, mémère et mes soeurs in faisot du campinge sauvach' à Stella-plach'.
in installot not'tente à coté d'in blockaus, derrière eul première dune, au pu prés d'la mer.
eul soir in faisot in grand feu d'camp, ché z'aut'es campeurs nous arjoignottent; i n'avot toudis in ou deux avec in accordéon , in cantot à tue-tête, que bon temps qu'in a pris!
in souv'nir pu triste : i avot deux frères, des polonais, chétot d'z'amours; i z'étotent vénus in mobylettes, in r'partant i z'ont été fauchés tous les deux par in chauffard . in a bin brait.
pour arvenir au blockhaus, à la tombée d'eul nuit min père i nous faisot mett'e à plat vint'e et SILENCE. nos yeuls i s'habituot'ent à l'obscurité et là comminchot eul' sarabande de tchiots animaux , comme des grosses souris ou des tchiots rats, ché au choix, mais sans queues.
j'cros qu'chétot des lemmings (bin nan nan, j'viens d'raviser su ch'dictionnaire cha vit dins ché région artiques , i fait pas si frod qu'cha chez nouzautes), ch'étot p'tét' des mulots, dixit euch'dico.
j'sus preu neusse ed'rensein'ments. in tout les cas , in n'a passé du temps à les raviser. intre les colos et Stella j'ai eu des bielles vacances.