les dossiers de l écran

rin qu à vous donner ch' tite là, j' su sur que la plupart d inter nous , i vo d un coup ch' générique , qui faut dire , éto pas fait pour nous détendre ....

tout d ' abord pour ché plus jone, chéto quo les dossiers de l écran, chéto eune émission qu in voyo j' pinse au début l' mercredi soir, pi après l' mardi soir

d' abord in avo dro à un générique accompagné d' eune musique digne d un flime d horreur, ensuite in voyo l' présentateur intouré d' ses invités

parel , quand qui prenno l antenne, que che sot joseph pasteur ou alain jérome, i zavotent des tietes d' croque morts ....

i faijo un rapite résumé du flime qu in allo vire, pi , comme y éto intouré d'personnes qui avotent un lien direct avec l' histoire véridique d' l éven'mint relaté dins ch' film, i faijo ché présentations

ensuite in avo dro à la projection du flime , pi après yavo un débat, du que chéto les télespectateurs qui appelotent le standart pour déposer des questions qui étotent ensuite posées à ché zinvités

ché films qui étotent projetés, chéto rigolo, nan souvint cha tourno autour d éven'mints historiques assez anciens, comme par exempe les guerres de religion, les sorcières de salem, les 10 commind'mints, un coup meme chéto le flime mayerling, alors là t avo dro comme invités récurents, so Alain Decaux, so André Castelot , ché grands historiens qui avotent réussi à médiatiser leurs interventions ...

ou alors et l' plus souvint chéto des flims d' guerre, ou meme des flims sur l espace et la conquete espatiale

dins la s'maine in avo pas l' dro d' raviser l' télé, "demain ya d l école" ou " ch'est pas pour ti" et j' vous parle pas du fameux "carré blanc" que certains ont connu, carré blanc nous mettant in garde concernant des imaches considérées comme "pouvant choquer" , comme simplemint l' décol'té des "Angélique" ...

asteure cha f'ro meme rire un gamin d' 10 ans ... mais arvénons aux dossiers de l écran

ch éto quand meme bin fait , et j allo dire assez souvint, j' diro eune fo par mo, j avo dro al' raviser, j' vous parle j' devo avoir eune douzaine d années

j a eu l occasion d' raviser à nouveau un flime que j avo vu à l époque , chéto "coulez le bismarck " flime inglais de 1960 avec Kenneth More et Dana Wynter

in l' ravisant à nouveau, in vo que cha a bin vieilli, ché doublaches paraissent dépassés, pi l' intrigue amoureusse, vous attindez pas à vire un g'nou ou eune baisse, ah nan , ch'est "bin prope" ...

sans quo ch' flime i s' ravisse cor bin, sur que certains trucages paraissent un peu "legers" asteure mais bon à l époque chéto super bin fait

après ch' film, j avo dro à "bon té va t' couquer" , rar'mint j a eu l' dro d' raviser le débat qui suivo, souvint in avo dro à un fils ou un neveu ou eune nièce du héros, quequ"zun d' ses collégues d' l époque aussi, qui nous paraisso bin agés et différints d' l imache qui éto donné d eux dinch' flime qu in veno d' vire ...

souvint aussi yavo des contradictions, et in avo dro aussi al' traduction, ch'est pour cha que cha prenno un certain temps inter l' temps que ch' gars i comprenno l' question, s' réponse pi l' traduction d' sa réponse ...

d ailleurs mi j' m amuso à les imiter, mais enfin pas trop longtimps pasque min père i m' dijo "si cha t interesse pas té monte tout d' suite" ...

j' me souviens qu un coup j' éto resté pour vire un débat sur ché gins qui avotent été dans l espace, et yavo quéqu un qui avo fait d'minder commint qui faijotent leu besoins dins l espace et l aute y avo pas répondu

mi j auro bin voulu savoir, min père i avo dit in rigolant , "avec un aspirateur" ,bin i parait , j a lu cha y a pas longtimps , qui éto pas loin d' la vérité

mais meme avec ch' débat, min père i monto vite s' couquer, j y d'mindo d' min lit " alors chéto bin ch' débat" et i répondu à tous les coups "que du parlache et i sont pas d accord intre eux" ......

ch'éto cor des sujets assez cauds, pasque la fin d' la guerre ale éto cor dans toutes ché tietes, et in souvint in intindo parler d' "boches" quand qu in parlo des zallemands ...