beurk
par minloute le, 28/10/2013y a des coups quand qu in in parle avec ché gosses, in a l impression d' passer pour des cro magnons ...
quo ? des pieds d' cochon ? beurk
des tripes ? beurk.......
in pourro in dresser eune liste ....
tenez rin qu' la langue, cha ch' est bon, avec eune sauce tomate ou eune sauce ravigotte avec ché crottes d' lapin (ché capres)......
un bon morciau d' lard avec del couenne d' sur , parel......
des kippers avec eune paire d' pétotes à l io et un morciau d' bure .......
j in arviens à ché pieds d' cochons, frods, avec del vinaigrette , oh vindiousse .....
del rouelle ....si si del rouelle...parel , monte cha à ché zéfants i vont faire toudis l' meme grimace, et pourtant ché bon cha .....
et ch ' saucisson d' bidet , ouh la la, mi faut pas qui in a rin qui rinte al' mason, i vo pas la nuit ........
parel ch' paté d' tiete, beurk de chez beurk, tant miu cha in f'ra plus pour z'zautes ............
nan asteure à part sorti des cordons bleus, des hamburgers, bin cha court pas après ché plats, cha minche ouais cha minche, mais cha fait l' grimace
savez pas c' qui est bon mes gins .....