instruction civique

in appelo cha , instruction civique, j' me d'minte si cha faijo pas partie de c' qu in appelo "la morale" , j' sais pu, meme mi asteure cha comminche à faire ...

ch' est en feuilletant un liffe que j a emprunté al' bibilotèque que cha m est arvénu

ch' liffe i arprint les affiches de Deyrolle, savez ché grantes affiches qu in voyo quand qu in éto à l école primaire et que ch'maite i accrocho ach' tableau =

la france industrielle, les colonies, des tableaux avec toutes sortes d' plantes, d' animaux vertébrés ou pas, d'tableaux explicatifs sur ché kilos ou ché lites ....

et là j a arvu un tchiot "tableau" qui parlo d' l alcoolisme, et j' me souviens que chéto un thème qu in avo abordé en classes primaires à Loubet

ch'éto d ailleurs presque l' meme dessin , in tout cas chéto l' meme sens, in voyo d un coté eune famile heureusse du que c h' père i allo pas au bistrot ou qui buvo pas al' mason, et d' l' aute in voyo eune famile "tuyau d' poele" savez, avec pleins d' gosses partout, eune mère désabusée qu as' teno l' tiete inter ses mains, et ch' père qui rintro dech' bistrot avec eune sacrée pronne

in nous metto en garte conte ché dangers là, ch'éto pas l' seul, dins m' tiete yavo l' tuberculosse qu ale rodo, la preuffe in vindo des timpes conte cha, pi la chasse aux micropes , invisipes mais qui étotent partout

ah cha si in a pas été prévenu nouzautes ....

In plus des affiches murales scolaires Deyrolle y avot égalemint les affiches du non moins célèbre Armand Colin.

Au tableau d'ché classes y avot des clos plantés in haut d' ché derniers qui correspondotent pile poil avec les entraxes des oeillets métaliques de ché affiches; ainsi ch' maître pouvot les accrocher facilemint.

De plus, par souci d'économie et surtout de stockage, y avot un autre carte au dos de chaque affiche quelqu'in soit le thème (géographie, sciences, histoire, instruction civique ...)
Le tout étot stocké dins eune remise d' l'école, un antre secret doublemint fermé à clé et plein d' mystères pour nous autres.

Faut savoir asteur que ché jeunes dont m' fille apprécient gramint ché affiches de notre enfance comme thème de déco de leur maison ou d' leur appartement.

In photos, justemint deux affiches Armand Colin sur l'alcoolisme dont parle Minloute dins sin sujet

j'avos gardé in mémoire que les grands posters in carton cha s'appelo les tableaux Rossignol.
Pour l'alcoolisme, j'avos aussi transmis un buvard publicitaire qui vento le bienfait del bière des mamans...
Mais, dernièrement, j'ai artrouvé un Code Soleil de 1959 (ché el Code législatif des instituteurs) : j'ai été très surpris de trouver un artike sur ché cantines scolaires : in pouvo donner un verre ed bière de 3° à chez élèves 14 ans!!!