comme un soufflet qui arquet

comme un soufflet qui arquet, jourd hui ché l' calme après la tempete ...ché stomaques i s armettent in plache, cha gargoule cor un tchiot peu dins ché tuyaut'ries, faut dire que pour certains y a eu du boul'versemint ..........

pour ché zéfants aussi, in s' diriche vers le calme plat, faut dire que chéto d' la tension...

zavez tous connu cha, et l avez vu so avec vos zéfants ou vos p'tis zéfants, l' derniere jurnée , celle qui va nous amener ach' réveillon du 24 , ale a été "stressante" pour ché zéfants, mais aussi pour ché parints

à croire qu' ché jones i zétotent montés sur arsorts, pas mate , enervés, fallo leur trouver d' zoccupations, et quequ' fos leur dire que ch'père noel i éto pas cor sur du nompe d' cadeaux qui zallotent avoir

j' sais ch'est pas bio comme procédé , mais que voulez vous, faut pouvoir les t'nir ché jones .....

l'coucher cha a été cor assez facile, suffiso d' les faire veiller un tchiot peu

in n a toudis un qui affirme qui va rester éveillé toute l' nuit pour vire l arrivée du père noel

i apprindra, avec les zannées, que ch' est dur d' lutter conte l' sommeil et que ch'père noel y a plus d un tour dins sin sac pour rintrer al' mason sans faire d' bruits ...

jour d' noel , avec ché cadeaux au pied du sapin, ch' repas du midi, journée formidape du qu in jue , et qu in sait pu avec l'quel s amuser vu qu in n 'a eu plusieurs ....

pi ch' matin, tout y est rintré dans l ordre, oh in parle pas cor d' devoirs d école à faire malheureux, mais cha y est , l' tension ale est arquette, in a pu grand cosse à esperer pour cht année

bon y a quequ' fo eune matante qu ale habite pas à coté, que ch'père noel i ya déposé un cadeau et qu in va l avoir chte s'maine

au pire va y avoir ché zetrennes d' fin d année, mais bientot cha va sintir la r'prise à l école ...

faut dire que meme asteure , cha a l air d' tourner cor d' plus en plus vite, djà qu in a archu plusieurs catalogues pour le "blanc" qu in éto l' 24 décempe , que la noel éto pas cor passée...

meme que j' me souviens l année derniere, yavo djà des galettes d' l épiphanie qui étotent en vente au mois d' novempe ....ché rois mages i zétotent djà là que ch' pitit jesus y éto pas cor arrivé

in vit dans un monte mes gins, cha va d' plus in plus vite ...