in a eu caud
par minloute le, 05/03/2014dur dur lundi soir à suive ch' match du RC Lens, i zétotent menés 2 à zéro sur leur pelousse, contre Tours
chéto un match qui fallo gagner vu que Tours i yéto pas loin du Racing au classement
alors in va couper la poire en deux, in va dire qu in a pas perdu, et que dans les 20 dernieres mineutes, i zont réussi à armonter au score
asteure i sont troisieme au classement, à égalité de points avec Angers, loin derriere le FC Metz qui ch' t' année est pratiqu'mint sur d' armonter en ligue 1
et cham'fait plaiji aussi, pasque durant bin d'zannées, le FC Metz éto un clupe incontournape d' la premiere division comme in dijo cor à l époque
et avec un président qui in voulo , Carlo Molinari...
in sint qui sont djà in route pour armonter, pour le RC Lens, à raviser ch' classement , ch'est un peu miu que cha n a été, i sont troisieme et y a asteure 4 points d avinche sur Dijon et Caen
mais bon 4 points ch est un match nul et eune défaite, ch'est dire qui sont pas cor à l abri
j' sera rassuré si en fin d' saison i sont prévus pour armonter
ch'est sur ch'est eune équipe arcontistuée, y a eu grinmint d' cang'mint, et ch'est pas en quequ'mois qu in fait eune équipe complet'mint soudée
ch'est sur le plan mental que j' tique un peu , y a quand meme eu grinmnt d' matchs nuls qu in auro pu gagner et asteue i s'ro in tete, comme i dissent "i zont pas su concrétiser toutes les actions de jeu"
bon in cro in eux, quo que j' dos vous dire que j'pousse toudis un grand soulag'mint quand que j' vo qui zont gagné un match
après , l année prochaine, si i montent, faudra savoir arjuer en ligue 1 et pas faire ch' yoyo avec la ligue 2 en fin d' saison .....