ronds d' gampe ....

cha ch'est eune drole d 'expression, min père i connaisso quéqu un qui cottoyo "au syndicat" comme i dijo, et un coup i devo aller à eune reception et i dijo am' mère qui qui yallo y avoir , et m' mère , à l annonce d un nom, ale avo rajoutté " ah i va cor faire des ronds d' gampe".... min père i levo les zieux au ciel ...

"faire des ronds d' gampe" mi j imagino cha , j' voyo cha un peu comme un patineur, quéqu un qui tourno physiqu'mint autour d' ché gins tel un danseur

in plus min père en rintrant yavo dit que ch'éto un "frotteur" , alors j' essayo d imaginer cha, quéqu un qui tourno autour d' ché gins tout in s' frottant, i devo pas passer inapercu, et cha devo pas et' apprécié par z'zautes ...

un coup dins l' conversation , min père i a dit à m' mère que ch' fameux gars i devo passer al' mason pour un problème d' syndicat, que cha l inchinto pas plus qu' cha, mais bon....

mi j' éto cor tchiot, innochint , et curieux bin sur, donc mi j a guetté l' arrivée de ch' monsieur là, y a arrivé in mobylette, j a ravisé commint qui marcho, bin j éto décu, j' pinso vire avincher un "patineu" mais nan i marcho normal'mint, pire quand qui a rintré, y éto fort aimape, tout sourire, et yéto fort respectueux d' eme mère, que elle, ale éto plutot commint plus que "réservée" avec li

pour dire que m' mère ale jamais su camucher ses sentimints, quand qu ale avo pas ker quéqu un cha s'voyo tout d' suite, meme derriere un sourire d' facade

j' observo cha , j' pinso , comme ch'éto un "frotteur" qui allo presque danser avec m' mère, nan, y éto fort aimape avec un mot gentil pour mi ... j' comprenno pas l attitute d' mes parints

y a resté fort longtimps dins l' pieche du fond avec min père pour discuter du syndicat
meme que m'mère ale commincho à trouver l' temps long, et j' me douto min père aussi, pasque li , comme mi d ailleurs , in a ker minger à l heure, et ...d' bonne heure

et cha n in finisso pas ...et quand qui a enfin ouvert l' porte, mi j éto à tape, en train d' faire des boulettes avec l' mie d' pain que j avo pris eune tape su les mains,, ch' l ouverture d' la porte d' la pieche d'devant, in a pris cha comme un ouf d' soulag'mint , savez, comme quand que ch'est vot' tour à mon dech' médecin et que chti qui éto avint vous y a passé un temps fou ...

in arsortant chéto cor du "Léonce par chi", Léonce chéto l' prenom d' min père, i r'discuto cor dins l'couloir, après y a dit au r'voir am'mère mais ale avo sorti sin sourire minimum, et y a cor discuté après avec min père dehors

eune fo min père rintré , l' porte arfermée, après tout ch' babillache là, chéto un grand silence, et eune fos l' mobylette in route, min père ya ponctué cha par "que con" .....

et m' mère avec s' n expression habituelle, bras croisés , ale arleffe ses épaules d un coup comme si ale avo frod, et ale ajoute "que mielleux" .....

après dins l'conversation i s a laché avec m'mère et j a miux compris c' qui voulo dire par "faire des ronds d' gampe" .........