madame l' aronde
par minloute le, 11/05/2014madame l' aronde elle est arvénue depuis plus d un mos d' sin grand péripe aux pays du solel
in est toudis étonné d' constater qu ' après et' parties bin loin, quand qu ale zarviennent ale zarviennent dins ch' nid qu ale avo fait l année d avant
cha pose meme probleme chaque année quand qu arvient à la fo la mère et ché pitits devenus adultes, cha s' bagarre pour rintrer dins l' meme nid
et là y a pu d' sentimints ni d instinct maternel , ch'est chacun pour soi ....
ches zhistoires d' possession d'nids presque réglées, bon y a toudis qui zéssayent d arvenir quand meme , ch'couple i comminche à reconsolider ch' nid
d' abord les extérieurs, on vient mélanger différints élémints, bon cha reste quand meme en grante partie fait avec des brindilles, mais in peut artrouver comme ichi del fichelle, quequ' fo meme du plastique
après in va s arringer pour trouver du "douillet" pour garnir l intérieur
m' voisine ale a del laine de verre qui depasse d' sous un appenti, bin i viennent s' servir
cor pire suffit d' jetter au sol un tchiot peu de ouate blanque, vinguette ch'est la bagarre aussi pour v'nir s in saisir
cha y est madame l' aronde, ale reste asteure dins sin nid, as'prépare, ale minge grinmint , bientot ale va ponde environ chinq oeufs, qu ale va couver 15 jurs
après faudra attinte plus d un mos pour qui comminchent à et' autonomes
à partir d' asteure et jusqu à c'que ché tchiots i volent d eux memes, cha va et' un balai incessant ,mi j' compare cha à ché spitfires, savez ché zavions inglais qu in vo dins ché flimes sur la batale d angleterre ....
cha vole à ras du sol, cha armonte d un cop, cha arpart in piquet, cha attrape ché proies au vol, et les ramènent dare dare al' mason pour nourrir tout l'monte
pi faut pas oublier, l aronde, ch'a in tue grinmint des moustiques, et y a pas plus "bio" , ch'est sans produit chimique ....
ch'supposse qu'chés d'chés hirondelles qu'té veux parler minloute , si ouais un éclair , j'arvos chés fils téléphone el'long d'ech'quémin d'fer , Lens Béthune, yavot in floppée d'hirondelles ed'posées d'su tout du long
et pi quand yavot d'l'orache y tournotent pour attraper chés insectes , chétot formidape , yavot des nuées d'hannetons , comme ech'voudros arvir tout cha
( 1 photos)