dinch' gardin
par minloute le, 21/05/2014 dins ch' gardin ché poteaux à linche chéto des viux rals d' berline, am' mote min père qui travaillo aux magasins centraux i avo du récupéré cha
chéto comme un ral d' chemin d' fer mais avec eune section plus pitite
y a des coups m' mère ale me demindo un coup d' main pour aller étende ch' linche su ché fils
ale avo fait eune tentatiffe, enfin ale avo cédé am' supplication qui éto d' porter mi meme l' panier à linche en bio plastique jaune
savez ché paniers in plastique que d' dsous j' sais pu l' marque mais que cha arprésento eune clé d' porte
mais j avo réussi à m imberlificoter ché ortiaux d' dins ché briquettes qu' min père y avo posé dins ch' gardin pour faire ch' quémin
briquettes cor "d' récupération", des briquettes 3x11x22, réfractaires mais gins, et qui venotent d' beugin
am' mote que min père i avo du avoir cha par mon grand onque qui y travaillo
donc vlà minloute qui s artrouffe patatrasse comme diro m' mère, l' tiete dins l' manne in plastique, cor heureux que ch' linche y a pas aterri au sol sinan j' cro que m' mère ale auro l' vé ché ziux au ciel , d' désolation
nan là j' avo eune aute mission, moins dangereusse, enfin nan, enfin y avo moins d' "dégats" à avoir si cha quéyo à terre, et bin sur j' l avo fait querre plus d eune fo, chéto ch' panier du qui yavo ché épingues à linche
m' mère ale les laisso toudis dins un panier qu ale rintro dins l' barraque après , vu que ch éto pour éviter que ché pinces in bo i s abiment d' trop avec l io et qu in pouvo pas les laisser su ché fils
après bin sur cha a été l' boum du tout plastique : du séyau hygiénique aux ...zépingues à linche en passant par pratiqu'mint tous ché contenants ménagers : boites d' tiperouare ou séyau pour laver l' mason ...
après donc in a eu des zépingues en plastique , multicolores, qu in laisso dehors aux zintempéries, pour armarquer rapid'mint qu ale perdo bin vite leu couleur vive, et que surtout ale casso cor rapid'mint quand qui yavo d' grands cang'mints d' température ...
mi j avo ker ché zépingues in bo, et j' me souviens que pour faire rigoler m' mère , j in metto aux bouts d' mes zoreles, et un coup j in avo mi sur m' bouque pour avoir des loupes d'nèques comme in dijo , mais que j m éto pas bin débrouillé, ou alors yavo un arsort plus fort qu' les zautes et que j ' m éto fortemint pincé l' lève avec cha
que m'mère ale éto rintré al' mason avec mi à sin bras, mi qui brayo et qu' min père alerté i arriffe et quand que m' mère ale li explique commint ch'est arrivé , i dit simplemint " mon diu que malheur", d' abord, pi s' phrase magique "frotte un coup t aura pu mal" ....
Ouais chéto les rails ed ché voies qu'un avo au fond pour les berlines 800litres, mi aussi j'en' ai récupéré pour rintourer em' parcelle du mobil avec du grillage...et c'est costaud..la preuve
par maurice devos le, 22/05/2014ouais y n'd'avot ed'2 sortes ed'rals , 21kgs et 14kgs au mête " ch'su pu sur d'chés poids , chés plus lourds chétot pour chés bowettes du qu'chés train d'balles y passotes
et chés plus tiots din chés traçaches , et ch'cros même qu'à l'accrochache chétot chés plus légers aussi
mes parints in'd'avottent aussi din le allée d'gardin , comme quasimint tertous
( 2 photos)