El touillache des régions
par TIOT RITAL le, 08/07/2014In ch'momint in pale gramint del' réorganisation des Régions.
Ainsi, el région Nord-Pas d'Calais alle rest'rot célibataire pusqu'alle s'marirot aveuc personne. Mais nos visins, les Picards i merronnent gramint pasqu'in a busié les associer aveuc el Bourgone !
Busiez cha s'rot eine nuéve région bin lonque dallant del Baie d'la Somme dusqu'à quèques km ed Dijon !
Nos comarates picards merronent pasqué i'a pon gramint d'transport qui arlient ces 2 régions et pi i voudrotte êt associés au Nord-Pas d'Calais pasqu'i treuvent qui z'ont eine histoire commune aveuc l'Artois, le Hainaut , la Flandre (autermint aveuc el Nord- Pas d'Calais).
I'a qu'à s'pourméner in campane et in vot partout des souv'nis ed guerre : cim'tière militaire (ND ed Lorette) , stèles, musées (Souchez), trinquée (Vimy ), des forts (Leveau près d'Maubeuche).
In pusse i'a des sites comme les 2 plaches d'Arras , qui ont été arbaties complèt'mint.
Infin, et ch'est un bel argumint , leu patrimoine linguistique les rapproche (lanque Picarde , Ch'ti) , menme si a quèques tiotes différinces.
In n'arrive pon à comprinte commint les huluberlus qui ont bati el projet i peuv'té ignorer chu qui vient d'êt écrit ! Mais bon sine, des gins politiques du Nord-Pas d'Calais lancent l'idée dé s'réunir aveuc el Picardie.
A suire , in espérant qué l'bon sens populaire arriv'ra à ses fins !
mi aussi Tiot Rital , ch'trouf qu'elle Picardie al' s'rot plus as'plache avec el N P D C , cha s'rot grammint plus logique , surtout " j'pinse " qu'chés picaeds y font du rassacache aussi , alors qu'chés bourguignons y mettent même pas d'gambette din le boeuf bourguignon, idée " saute et grenue ", comme dijot min maite d'école