El rue Buquet à Divion :Coup d' G.....
par jpp le, 03/08/2014Y a quéque temps j'avos soul'vé eine intrigue sur un panneau qui se trouvo din l'rue Buquet à Divion.
De fait, j'avos été étonné et intrigué passeque el rue Buquet al méno directement sur l'ancienne rue dite "l'avenue du 5". Enfin, al auro du y méné : si vous ravisez les photos que j'avos mis à l'époque, vous pourrez vir que el rue Buquet on l'avo transformée en impasse en l'barrant au bout avec des glissières de sécurité.
J'pinsse que cha a du ette fait à l'époque de la mise en route del rocade minière, vers 1975.
Donc, in pouvo sortir del rocade et arriver din l'avenue du 5 MAIS juste in face ché gins del cité qui voulotent venir din l'avenue du 5 in empruntant el rue Buquet chéto pu possipe passe qu'on avo barré el bout del rue.
Ceusses qui connaissent Bruay et Divion i savent el détour que tous ché habitants i z'ont du faire depuis 1975.
Hé bin, tout cha ché fini , in a rouvert el rue Buquet et cha n'est pu dangereux de passer au bout pour arriver din l'avenue du 5.
Et ché là min coup d'gu... passe qu'on est en train de construire une supérette L...l au bord del rue, et cha sera plus facile probablement de venir y dépinser ses sous.
Quand j'pinsse à ché détours faits par ché Divionnais depuis 1975, et qu'en quelques coups de grue on résoud el problème qu'on leur a infligé pendant toutes ché années là, j'trouve cha révoltant.