L' dernier jour à l'fosse
par Vital Potié le, 18/08/2014In avot tous des barettes abimées cha ne vivot pas longtemps chés barettes là, chétot parait il américain al étotent confortables cha in peut pas l’nier mais chés rivets i sautotent et l’visière al se findot, in mettot du fil à buquer por réparer.
L’mienne l’dernier jour j’l’ai donnée à in vieux, à l’accrochache avant d’armonter in attindot j’sus armonté avec l’barette de ch’vieux et al est restée sur min crochet au lavabo
J’m’avos ingagé, m’classe al pouvot rester à l’fosse sans aller au djebel mais j’devos aller à l’talle école et au carbon et signer in contrat.
min biau frère qui étot d’avril d’41 et qui étot abatteur chétot fini i a été au djebel.
J’avos dit à ch’père qui n’in étot pas question, chétot dit quand j’métos imbauché et il le savot