mr B
par minloute le, 02/11/2005parel j' dirai pas chin nom, vu qui peut avoir del descendance, mais comme à chaque coup ché plutot un souv'nir amical que j invo à des gins qui sont pu là
quand que j a terminé l'école, j a voulu aller travailler mais in fait ja pas trouvé quéquosse d interessant, j a décidé d arprinte mes zétutes l année suivante, mais i fallo quand meme s'occuper , alors j allo travailler al' boulangerie rue anatole france
chéto eune boulangerie qu ale marcho du feu de dieu, un monte , un monte qui v'no là, pour vous dire i avo des créneaux pour y aller, vers 10h30 jusqu à 11h au plus tard
sinon y a des coups ché gins i s' serrottent comme des saurets
ché bio cha comme expression i s' serrottent comme des saurets
bon j arprinds min sujet, i s' sérottent comme des saurets, ouais j' la djà dit mais ché pour continuer m' phrase
et meme i faijotent l' queue sul' bord del rue
alors vers 11h20 11h30 y avo mr B qui arrivo, alors li chéto c' qu in appelle eune longue preune,
i éto lint à s exprimer , du genre " bon m' b c est à vous qu est c' quil vous faut " i répondo avec sin mégot d' roulé éteint au coin des' bouque "binnnnnnnnnnnnnnnn" et là t attindo , " un boulot coupé bien cuit"
ouais pasque in plus d ete lent chéto des trucs moins courants que zautes qui prénot, et y a des coups i cangeo , bon aprés que ch' pain i so such' comptoir, i simblo busier,
alors in li d'mindo "c est tout ce qu il vous faut mr b " grand silence et aprés i dijo "non", pi cor un silence, pi " un paquet d' broutteux" ché du tabac belche, paquet vert , du tabac à rouler ,
et là tet' dijo ché pas fini , le somemome y arriffe ,
"c est tout c' qu' il vous faut mr b"
i répondo "non" , pi aprés un silence , "des gatiaux"
, i parlo patois mr b et là té voyo ché gins qui disottent rin mais qui n in pinsottent pas moins , et l' boulangére as' frayo un k'min inter ché gins jusqu ale deventure,
mais aprés i fallo attinte que grand père b, i s artourne , qui arriffe d' vant ché gatiaux et j' vous jure que ché gins i li faijottent in passache comme moisse qui traverse el mer rouche, ché gins i s écartotent non pas qui l aimottent bin ch' mr b mais pour que cha ale plus vite
alors i arrivo à ché gatiaux , et là i réflechisso, j' connaisso dja s' réponse, là i cangeo jamais chéto "bin eune arligieusse"
mais à chaque coup i raviso tous ché gatiaux comme si y avo l' embarras du choix mais nan, chéto toudis eune arligieusse et quand enfin i dijo "eune arligieusse" chéto comme un accouch' mint l' foule ale pousso silencieus'mint un ouf ed' soulag'mint ........
mais chéto pas cor fini , pasqui fallo qui arsote sin porte monaie d' sin mintiau, et comme i aimo donner l' somme exacte , in perdo cor trente secontes
achteure i est pu là, i do trouver l' temps long là haut, vous m'direz au paradis i do in vire des arligieusses, mais ch' coup chi pas au chocolat ...