ch' ballon
par minloute le, 14/12/2014ch' ballon d iau caute, comme in l appelo, ch'éto la hantisse dem' mère quand qu arrivo ché fortes températures sous zéro
Léonce, qu ale dijo à min père, té sur qui craint rin ch' ballon d iau caute ?
MAIS NON qui balayo d un revers d' main min père ( ch'est eune expression, j' vo pas min père lever l' main sur m' mère ....)
et m'mère qu ale dijo quand meme té sur ?
min père i répondo pas, i hausso simplemint les épaules, faut dire pour tenir avec m' mère, ch' ballon d iau caute i éto pas dins l' mason mais dans eune "barraque" qu ale éto accollée al' mason
ch'éto tout au fond d' la "barraque au bois" , du qu' min père i entreposo ch' pitit bo qui avo fendu , coupé, avec eune hache d' mineur, sur un tchiot billot
i le stocko dans un recoin del barraque, i avo coinché des grantes planques et dins ch' meme indrot, in hauteur, y avo ch' fameux ballon d iau caute
pour pas qui gele i éto intouré d'un mile feules d' couches d' sacs d' toile d' jute et grands sacs à gravats en plastique
quand que j dis mile feules, y avo pas mile feules, mais in tout cas y éto fort bin protégé du frod