viux souvenir d école
par minloute le, 04/01/2015ch'est un viu souvenir d école, un qu in a pas été fier
savez à Loubet in avo dro , eune fo par mo à eune séance de cinéma au sein meme de l école
et ch' coup là in savo, la veille, qu in avo séance d' cinéma l' lendemain
alors j' cro que tout l' monte i s a dit , bin l'leçon d' géographie du matin ch'est pas trop la peine d' l apprinte , au miu in l a survolé , vu que quand qu on armonte in classe après l' cinéma ch'est l heure d' arpartir à nos masons
ch' coup là ,ch' bon diu i nous a puni, tout y a bin comminché in a eu cinéma, mais l' séance ale s'est finie bin plus tot que d habitute
là j'sais pas si in l a sinti mais quand qu in a armonté in classe , in a trainé ché pieds dans l' grand escalier in bo qui nous arconduiso dans la classe à l étage .......
j' me souviens cor d' l imache d' la leçon de géographie, cha arprésento soit des bédoins ou des touaregs, mais chéto des gins qui étotent assis sous eune grante tente
j a oublié d' vous dire que ch'maite i avo des grantes affiches qui représentotent les imaches qui yavo en pitit dans nos liffes d' classe
ch' maite y a décidé d interroger quéqu un, tout l' monte y a baissé la tete vers ch' pupitre ...
i n a un qui a été appelé au tableau , mais effectiv'mint ch' l' instituteux i a vite vu qui savo pas s' leçon...
i l i a dit d artourner as' plache, i n a fait monter un aut' sur l estrate, parel, i savo pas grand cosse
alors ch' maite i li a montré du qui fallo qui alle s assire à nouveau
pi y a comminché à s emporter, qu in iro pu dro à aller au cinéma, que ch'éto l' dernier coup, qu au miu que l' prochain coup qu in auro dro à et' interrogé AVANT d aller al' séance
pi i s a ravisé, et i nous a fait eune interrogation écrite, bin in a eu caud vu qui s a arvisé , ch'éto ENFIN l heure du midi
j' peux vous dire qu in a arparti en rang, jusqu al' grante porte , sans qui a quéqu un qui a pipé un mot dins l' groupe
et l' mo après , in a eu la surprisse un matin d' vire que ché rideaux noirs i zétotent tirés, mais ch'maite , la veille i nous avo pas prévenu....