au lend'main qu in avo pu raviser la télé
par minloute le, 30/01/2015chéto cor du temps du qui yavo que 2 chaines al' télé, cha voulo dire qu in raviso presque tous la meme quosse al' télé quand qu in l avo bin sur
au lend'main d' la diffusion, avant d' rintrer à l école ou à la récréation , in s' raconto ch' film d' la veille, bin sur ché momints marquants
suffijo que la veille in a ravisé un ouesterne, bin l' lend'main dins la cour d' récréation in intindo les you you you des guerriers indiens qui attaquotent ché coboles ...
pour et' un indien suffijo d' printe sin cache nez, un cache col comme diro min père , del ' mette autour d' sa taille ou autour des' tiete et l 'tour i éto jué .....
souvint ché zindiens i tournotent autour des coboles, qui , vu l' nompe d assaillants , comminchotent as' replier vers ch' préau, mais yavo la forte voix d' ché maites ou leu coup d' sifflet pour calmer certains coboles qui étotent prets à aller s'réfugier dins les cabinets pour y juer Fort Apache .......
d' ailleurs nos cavalcades ale durotent pas l' temps d' la récré, suffijo qui a un tchiot d'ce1 qui ravisse pas du qui va ou qui s écarte pas assez vite à not' passache, yavo chute ...
alors là ch' maite i allo vire tout d' suite le grand blessé qui brayot, raviso la gravité d' la plaie, et i l ameno ensuite du coté du bureau du directeur, du qui yavo la trousse à framacie
avant qui conduisse ch' blessé à l écart, i s informo de qui qui avo fait cha, grand coup d' sifflet, cha arreto tout l' monte, i faijo v'nir chti qui éto coupape, l' aute bin sur i juo chti qui éto presque surpris, i "avo à peine touché l aute" "y avo pas fait d'espret"
ch' maite i le faijo taire, et i crio à qui voulo l intinte que les courses dins la cour chéto interdit jusqu à nouvel orde ......
et quand que l éleffe blessé i arsorto , soigné, dins la cour d' l école , ch'éto l attroup'mint, l aute bin sur in in juo, i éto presque à l agonie à pu pouvoir marcher, que ch'maite un coup i s éto artourner vers li, en li invoyant un grand " eh faudro pas in rajouter quand meme"
et si i continuo à maouler, li aussi i s'faijo bin disputer par ch' maite ....