avant histoires de chtis
par minloute le, 15/02/2015avant histoires de chtis , in éto sur un aut' site , qui s appelo et qui s appelle cor chti org
in éto "eune paire" là bo, yavo entr' autes Marcel, André, Batisse, La Clo, Camanette, Roger, Marie Claire ,minloute
j a mis "entr autes" j a du in oublier ch est sur
en fait ch'éto l' "noyau dur" , ché anciens, pas toudis facile pour les "nouviaux" pour intégrer not' tchiote équipe mais y a des réussites quand meme ....
such' site là, in avo fait créer des rubriques par chti qui s occupo du site , avec entraut' "les discussions d' comptoir" ch'éto comme l' rendez vous habituel des habitués, autour du zinc, in s attindo, tiens untel y a pas passé, ch'est ch'dernier qui tire l' rideau et ch ' premier au matin qui faijo ch' café ....
comme su tous ché sites, y a un webmaster et pour mi ch'est un traval j' allo dire à plein temps
in tout cas quotidien , vu que si té laisse tout l'monte écrire sur tin site sans contraintes et j allo dire sans grinmint d' contrôle d' sa part, c'qui est arrivé ch'est qui y a eu des dérapaches, cha a été jusqu à des propos racistes, injurieux
à l époque in a d'mindé au webmaster d intervenir, d' interdire meme certains vu que cha parto in chuchette, c' qui a fait mais quequ'fos avec un peu d' retard
l' probleme d' ché sites internet quand té viens d' sur régulier'mint , t y vas par plaiji et quand qui faut toudis raler pour que l'"police" ale intervienne ,à la fin ch'est un peu pesant
in plus té comminche à busier à t'dire bin j' fero bin un site am' mote
ch'est pour cha que Marie Claire et mi , in a parti les premiers, avec eune idée d'faire quéquosse "A NOUS"
in a grinmint échangé pour trouver j allo dire not' style, in tout cas faire j allo dire "eune line directive" , tout au moins eune philosophie, eune fachon d' pinser
paradoxal'mint sans que Marie Claire et mi in s' rinconte "physiqu'mint" en tout bien tout honneur j' précisse, bin eune paire d années plus tard.....
avant des' lancer fallo savoir aussi c' qu in allo mette sul' site,ch'est bien bio des' lancer mais yavo des décisions , des choix à faire
est ce qu in allo faire l' meme présentation que chti org ?
quelle présentation in allo faire , rin éto décidé ....
alors in a ravisé c'qui ch' faijo sur d' autes sites qui parlotent du nord pas de calais, in éto pas si nombreux qu'cha à l époque
ch' est là qu in s'a décidé d'mette des photos qui pourrotent illustrer les histoires dins chaque sujet
après c' qui s a posé comme question, cha parait ridicule asteure, ch'éto d' savoir si in allo écrire en "français" ou in patois ...
j' a hésité, pasque j' me dijo qui devo y avoir des zinfants ou des tchiots zinfants qui étotent pu dins l' région qui avotent perdu ou qui comprenotent pas l' langache d' nos taions
coté technique ch'est Fred l' mari d' Marie Claire qui s' in a occupé
d ailleurs au début, in dijo qui pédalo , i avo arlié sin vélo d appartemint à eune batterie pour faire qui a d' l'stricité su l' pache internet
la présentation Fred y a fait plusieurs proposisions, toutes assez sobres ....
meme si au cours des zannées j auro voulu met' un peu plus d' clinquant ou canger l' bannière, ou canger l' présentation, in l a pas fait
Marie Claire ale avo raison , ché gins i s habituent à eune présentation et faut pas toudis canger et j a vu d autes sites du que l' pache d accueil cha arsempe plus à eune mason décorée au momint d' la noel qu à aut' cosse ...
après y en faut pour tous les gouts
sauf un coup ch'est vrai ,du qu in a cangé ché couleurs, pas forchémint pour faire plus gai
nan in fait chéto meme plutôt l inverse, du jaune pale et un gris ardoise ,un jaune pale un peu comme l' solel d hiver pi l' gris ardoise d' ché terrils , vous savez tout ...
après quand qu in s a lancé,cha ch'est eune autre histoire.....