les débuts d histoires de chtis
par minloute le, 19/02/2015bon in savo c' qu in voulo faire, chéto un site du qu in pouvo y mette ses souvenirs
souvenirs d infance, souvenirs de traval pour d autes, tout cha bin sur sur fond de bassin minier
après juste avant des' lancer y a fallu trouver un nom, j' me souviens qui yavo plusieurs noms évoqués, j' avoue que j' me souviens pas des zautes
mais ce que je su sur ch'est que ch'est Marie Claire qui avo trouvé ch' nom là
(in auro du s appeler bienvenue chez les chtis, in auro gagné des sous ..)
alors y a un momint, bin teut' trouffe tout seu, inconnu, et teu' t lance à faire des sujets ....
après té fait des recherches, avec le mot "chti", ouais pour vire si "histoires de chtis" i arriffe sul'premiere pache d' la recherche Google ...
pasque in sait que si té pas sul' premiere pache, té pas visipe, et ch' est rare que ché gins i vont plus loin que l deuxieme page et cor ..
nous in ato page 4 au début...
ch' compteur qui yavo sul' site, ch'éto not' audimat, j' me souviens qu in éto contint quand qu in a eu nos premieres 200 connections .....
question qu in a s a posé aussi, et j a hésité au départ, ch'éto écrire ou nan in patois , comme j' dijo, j' avo peur que ché gins qui sont pu del région , i s' lassent ou qui veulent pas faire l effort d' comprinte ...
au début, pourrez vire les premiers sujets, chéto souvint un tchiot paragraphe, j avo pas cor " l aisance" ou l' babellache diront certains ...
au début , pour vous dire qu in éto pas les seuls à débuter sul' net, meme ché gins qui i venotent i zavotent un comportemint qui aujourd hui pretero à sourire
d' abord , combien d' fos cha a fait raler Marie Claire, ché gins qui nous mettotent des messaches, et qui pinsotent que Marie Claire ale éto "secrétaire" du site ...
in n' a eu, qui ralotent , ou qui s étonnotent si un jur in metto pas eune histoire , in s'faijo presque ingueuler
in s a djà fait ingueuler, ch'est sur aussi qu in peut blesser des gins sans l' faire exprès ou des gins qui sont quequ' fos à bidet sur des convictions
j' m in souviens d' un , j avo eu l' malheur d' dire qu' à bruay "l'niveau" y avo baissé, j' m éto fait incendié
et chte monsieur i nous avo d'mindé d artirer TOUS les zarticles qui avo écrit sul' site, in a eu du maux à artrouver les chinq sujets qui avo fait
in peut pas plaire à tout l'monte......
après zavez vu ach'momint là , l accès au site éto "libre", chacun pouvo y déposer les zartiques qui voulo, et y mette aussi les commentaires qui voulo
quitte à passer pour des "dictateurs",in a cor rapid'mint vérouillé l accés, en passant par un filtrage ...
ch' est pas par gaité de cœur qu in avo fait cha, ch'est que la nature humaine ale est comme cha, personne al' meme curseur au niveau d' son éducation, d' ses sentimints, d'el politesse etc ..
alors in a eu vite marre, d' devoir juer les policiers, in invoyo des mails à certains en dijant qu in avo supprimé cha pasque ch'éto "hors sujet"
l' aute i répondo ok et le lend'main i arcommincho
un site internet cha do et' pour vous comme pour nous un momint d' détente, alors quand que té rinte du traval et qu' té do cor faire la police ..
alors après in avo laissé ouvert à ché gins, "avis de recherche" et patatra, ceux qu in avo prévenu et qui étotent partis par l' porte, i sont arvenus par l' farniete ....
alors in a fermé pur'mint et simplemint ch'te rubrique
bon y a eu quand meme des bons momints, des gins qui s'sont artrouvés, mais bon, y a fallu s'y résoudre
autre question qu in s a posé à un momint, chéto pour financer le site, in avo réflechi à faire des t shirts , des mugs , et pi in fin d' compte ch'est Marie Claire qu ale a pris sur ses deniers du culte .....
in a eu des doutes au départ, in voyo pas grinmint d' visites, et surtout pas grinmint de réactions, mais, pitit à piti l' osiau a fait son nid ...