histoires de chtis 1
par minloute le, 20/02/2015au début du site, bin j a eu un peu l impression d' précher un peu dans le désert, cor heureux qui yavo La Clo et Lou Marcel qui passotent, tout en restant cor ach' momint là sur chti org
14 mai 2005 , soit tro mos après l' lancement du site, on attind les 1000 premiers sujets
1000 sujets cha m' paraisso fou, avec ach' momint là un gros doute, pasque en "contributeurs" sul' site in éto pas grinmint , in pouvo les compter su les dogts d eune main, en artirant meme ch' pouce : Marie Claire, Lou Marcel, La Clo ...et mi ... yavo aussi ché zautes de chti org qui passotent d' temps in temps : Batisse, Thérèse et André, Camanette, Roger , Mistinguette et Camanette
mais j éto pas rassuré .....
comme doute, j' me demindo pourquo ché gins i "zaccrochotent" pas, pourquo i n étotent pas si nombreux à visiter l' site
autre doute, est ce qu in risquero pas d' vite tourner in rond si y a pas des personnes qui viennent déposer aussi des sujets .......
j' me dijo , i lisent , mais i veulent pas s' dévoiler , et pourtint et j in su cor complet'mint convaincu, qui a pas d' tchiotes histoires d' la vie d' tous les jours , cha fait à la fin la grante histoire , ou tout au moins, en croisant les souv'nirs d' chacun , in peut s' faire eune idée qui est proch' d'la réalité ....
mais personne s' lanço...............
et pi ,y a fallu attinte le 1269 ème sujet, le 16 juin 2005, pour vire arriver un sujet écrit par eune personne qu in connaisso pas à ch'momint là , ch'éto Bernard Bourdon, Bernard qu in salue au passache (j'sais cha fait un peu Michel Drucker , mais bon ...)
in a eu ensuite plusieurs contributeurs qui sont restés eune paire d'mos et pi qui sont partis
ch' est un peu cha un site sur internet, ché ouvert, té rinte té sort, cha t'plait , té reste, cha t' plait pu , té pars, ou alors té vas ti meme créer tin site
fin d' année 2005 , in a vu passer Claude Duhoux, pour la rubrique sur le RCLENS
Claude , jel vo cor sur Facebook Histoires de Chtis, Claude y a un super site ch'est le lensois normand, site qui dure d'puis un bon momint et si vous zetes d' lens, ou si vous zavez ker le RC Lens, ch'est le site de référence pour chte ville minière , tout cha dit in passant
et puis d un coup cha a comminché à arriver, le 31 décempe 2005 est arrivé Ch' Zio , Roger Ouziaux
si vous voulez in savoir plus , in li a consacré un artique dans la rubrique tout in bas, "les personnalités"
j' me souviens d' sin premier sujet , chéto l autobrasseur, commint fabriquer soi meme s' biere
y a contribué un bon momint avec nous, un grand Monsieur, qui avo eu d' sacrées responsabilités au sein des houillières , qui auro pu in ardire à tout un chacun, mais qui éto d eune grante simplicité
i avo eune grante admiration pour sin père porion, qui avo un quartier d' fosse à sin nom, le quartier Ouziaux
très régulierm'int i nous mette des sujets techniques su les tailles et l exploitation minière ...
pi début janvier 2016, le 10, chéto Annie Dedourges
Annie qui nous a régalé avec ses histoires d'la vie quotidienne...
histoires écrites tout simplemint avec sin cœur et qu in a toudis ker à lire....
d' ailleurs sur Facebook histoires de chtis, in' s' pourlèque in ch'momint , pasque y a ché souvenirs qui zarviennent et Annie ale est en pleine forme ....
le 12 janvier 2006 ch'est Vauthier qui est arrivé
Avec Vauthier, ch'éto souvint des histoires sur bruay, à un momint j 'a eu peur qu in mettant beaucoup de sujets sur ma ville, cha n interessero pas ché gins du reste du bassin minier ....
en fin d' compte, chacun pouvo y artrouver eune partie d' s' n enfance meme en étant d 'ailleurs .....