c'h' viux puits i vous salue bin ...
par minloute le, 21/02/2015cha fait 36 ans que l' dernier puits y a freumé à Bruay, eune pache a été tournée
in a promis du traval, l arrivée d' sociétés , au liu d' tout cha, nous qu in a connu l' temps du que Bruay s energueillo d' avoir 33 000 habitants, y est bin révolu ..
(ch' panneau i éto situé à labuissiere, quand qu in arvient d' à mon cora, in passe le stade, bin juste après su la droite, après la rue qui mène à la belle au bois ....
ch'éto devant un ancien forgeron j' cro bin)
in a bin camuché un "monumint" pour ché mineurs in haut d un château d eau, faut savoir du qui y est ...
y a bin aussi l' musée d' la mine mais parel, faut savoir du qui y est .....
à croire qu in a tourné bin rapid'mint la page d' ché mines et in passo à aut' cosse
quo que , la nature as' rappelle toudis à not' bon souvenir, in a creusé in bas del cote des grands bureaux, ch' premier puits, le siege 1
sur qui est freumé d'puis un bon momint, mais cha y est, i s' réveille ....
et ché gins i sont inquiets, dins tout ch' quartier là , vlà ti pas qui a des déformations d' terrains, des affaiss'mints, des trous in formation ...
dans l urgence , in a installé des barrières, pi déployé des bandes rouge et blanque d' signalisation
bon ch' conseil municipal i va s in occuper, in va faire des enquetes, et ch' t affaire là ch' est quand meme inquiétant, y a pas mal d 'batimints autour, et pi laisser des barrières comme cha , cha peut et' que provisoire ....
vous m' direz que "le provisoire" souvint ch'est c' qui dure le plus longtimps
j' voudro bin savoir quo qu in pourra faire...quand que la nature ale a décidé d'réagir à tous ché perçaches qu ale subi pendant plus d' 120 ans ...
photo Sopraniste de Bruay
( 1 photos)