ch' viu mineur

min pauv'mineur, cha fait un momint que té à la dure, pas beaucoup d' respect pour ti

faut dire que t as eu un parcours un peu "espécial" , au début té faijo partie du monumint du cimetiere ,à la gloire de Jules Marmottan

pi à la fermeture d' ché mines, in a comminché à s interroger, et in a été t 'arquerre là haut au cimétiere du 3, pour illustrer un nouviau monumint qui a été installé juste à coté du qui yavo ch' premier puits d' déchinte au fond, au siege 1

bon fallo savoir du qu't éto , pasque t' éto masqué par eune haie d' troenne, au bout dech' parking d' l europe

této bio et par t' n attitute, té souligno bin l' messache qui éto marqué sul' plaque in cuive, que cha dijo que chéto par ichi qu éto déchindu les premiers mineurs , hommes ,femmes et ...infants

tévo j su quand meme d' mauvaise foi, vu que t archevo d' la visite régulier'mint...suffiso d' compter ché packs d' canettes à tes pieds ....

comme asteure, in est obligé d' constater que tout c'qui pourro et' "sacré" ou qui méritero un peu d' respect, bin ch'est baffoué

l' plaque commémoratiffe en cuive, bin ale a été volée, la municipalité, ale l a rimplachée par eune plaque en marbe

et pi pas longtimps après, ch'est t'rivelaine qu in t a pris, mais là ale a pas été rimplachée

et quand qu in ravisse l' derniere photo, té m escuseras , in vo qui t'minque quéquosse dins t' main gauche ou alors t avo les dogts crochus ......

j in rigole, que veux tu que j' fasse d' aute...

sur les trois photos, la premiere , in vo le monumint qui éto au cimétiere, avec ch' mineur su la droite

la seconde photo prise en 2006, l' estatue ale éto arrivée au 1, l' plaque d' origine ale avo dja été volée

et l' troisieme, ale date de chte semaine, prise par Sopraniste de Bruay , que d'sus y a pu la rivelaine