Eul Peque !!!!

Mi j'me souviens de m'premiere peque.

Un étot en camping din s'ardennes à Nouzonville, eule SEMOY elle passo din ch'camping
Et à forche d'vir tout l'monde aller à pichon, j'ai d'mindé à min voisin et ami de m' prêter c'qui fallot!!!!

Et me vla parti avec ch'baton et un vier au bout du fil!!! eu jette un peu de s'amorce et j'attinds!!! ch'bouchon i s'infonce!! et euch' saque!!! et un ptit pichon y est accroché!! un ptit pas un requin!!

ouais!! mais commint qu'in l'decroche????? d'un coup sec j'ais saqué sul fil et l'musiau du pichon yest vnu avec l'hameçon!!!!!

j'ai jetté le pichon à l'iau ; euch baton et ch'l'amorce et j'ai 70 ans, j'ai pu JAMAIS été a l'pequ!!!!!

sacré Bernard,
ché Bruaysiens comme mi, in a été tout jones à l'pêque à l'main : in allo ver 7-8 ans déjà al zone marécageuse de la Lawe. Ché devenu l'étang du parc de la lawe.
Ach endroit là, y avo plein de petits trous d'un ou 2 m2 rimplis d'io de la lawe. Forcément chéto plein d'épinoques, de salamandres et pi d'garnoules.
In arrivo avec un pétit seyo, eune timbale et in attrappo tout cha al main. In arvéno un p'tit peu frêque mais in est pas mort et ché des merveilleux souv'nirs.

Après, j'ai fait comme Bernard, vers 11-12, j'sus allé in colonie d'vacances des Z-houillères à Le Chesne din les Ardennes. I avo le lac de Bairon qui éto pas loin, et on est allé avec el moniteur pour apprinte à péquer.

In avo eu tertous un baton de bambou, un morceau d'fil, un hameçon et bardouff, j'ai aussi attrapé min premier "espadon". Cha m'avo un peu écoeuré.
Par la suite, pendant el séjour in allo aussi pêquer din un canal ou eune rivière derrière el colo, mais ej cacho toudis des excuses pour ne pas lancer emmme hameçon.


Suggestion : pour répondre à Bernard : ché simple : on met sin pseudo personnel, sin mot de passe, on clique sur "ajouter un article", puis dans la rubrique on met "sujet fils de....le nom de l'article d'origine" et on écrit quelques souvenirs qui intéresseront tout le monde.
Je suis certain que je vais retrouver des camarades qui sont venus à La Lawe, ou bien d'autres qui étaient avec moi en colo à Le Chesne A bientôt

Salut tertous , pour réponte à Bernard et jpp , bin mes souvenirs y armonte , chétot din ches années 1970 , in etot in vacances à JOLIVET din un camping tout près d'Orléans , et j'ai voulu m'essayer al pêque

la Loire al étot pas long , et ch'veyos des gins arvénir avec des bourriches pleines à craquer , j'm'ai rinseigner et un m'a répondu qu'chétot des " , " chevennes " j'ai bin essayé d'pequer mais cha mordot pas , un grand pequeux comme mi yallot pas arnoncher

j'mé à nouvieau renseigné , et ch't'homme y m'a répondu in français bin sur, ravisé din l'ieau ya des carottes , des tiots pos qui flottent , bin ché cha qui faut mette ach'l'hameçon , bin vous crorez si vous voulez mes gins mais cha marche , j'ai jamais attrapé autant d'pichon d'em vie , et chétot des gros , ch'su pas marseillais , mais y faijottent bin 500grs , et tout cha cha allot al poubelle , passe que ché quasimint immingeape "plein ed'tiotes arêtes"

pour chés légumes qui flotottent , ché passe qu'yavot in usine ed'conserf in amont , jé n'dé cor un ou deux d'souvnirs ed'pêque , cha s'ra pour un aute jour

in aute souvenir d'el pêque , chêtot a mon d'min frère ainé qu'yavot quitté l'fosse in 1964 après 18 ans d'fond, pour printe in gérance un tiot magasin "éco" pu sur d'ech'nom , chétot a bléneau d'in l'Yyonne

et la yavot des bieaux plans d'ieau , et avec un d'mes bieaux frères , un grand péqueux " meilleux qu'mi " in allot ed'tin in tin péquer , et in fos min bieau y m'dit saque ta in touche , bin sur j'ai obéi , j'ai sacqué , et au bout d'em'line yavot un grand énorme serpent , 30 a 40 cms épais comme in esclinpe , ch'avos pu quo faire , bin j'ai pas hésité j'ai pris ch'l'épuisette "min bieau ya crié NANNNNNNNN" trop tard , ech'serpent y s'tortillot comme un diape , j'ai tout ch'té
ch'finirai d'main , ches pompiers y sont pour un nid d'guêpes din ch'gardin

bin ouais j'ai tout ch'té passe que j'avos "peur" pour finir cha n'étot qu'in tiote anguil , mais pour l'arsaquer d'ech'l'épuisette , ya fallu printe du journal , ché tellemint gluant , si j'em'rappele bin ya fallu l'éplucher "dépiauter" avant d'el faire cuire , tout comme chés pichons cats qu'in pêquot din in tiote rivière din ch'coin aussi

din ch'te rivière yavot aussi "ch'su pu sur d'ech'nom" des perches arc en ciel , quo qu'in étot bin au bord d'el l'ieau , pourtant j'etos pas un fan ed'pêque mais l'nature , el fraicheur d'chés arpes , cha sintot bon , L'NATURE