magnétophone
par maurice devos le, 10/08/2015j'ai racaté un viux magnétophone d'su "ch'bon coin"
j'ai été arquerre al cafe mes vieles bandes ed' magnétophone , in' d'a in bonne vingtaine et ed'pu 3 jours j'l'ai réacoute
ed'su ché grammint d's'inregitremints d'min père avec el voix d'em mère mes frères et soeurs , et pi bin sur par la suite ya eu mes infants
j'ai d'ja artrouvé 2 inregistremints d'mes infants qui cantent chés canchons apprisses à l'école , y avottrent intre 3 et 5 ans
y a cor du boulot surtout qu'bin souvint chés pas grammint compréhinsipe , faut dire qu'ya plus d'40 ans d'cha , ch'vas essayer d'n'invoyer un échantillon
Magnétophone j'ai core cha aussi
Quand note garchon i a comminché à parler in a acaté in magnétophone in 70 in acore sin parlache d'bébé .
et pis faut dire que s'qu'in appello in ordinateur les tout premiers 16kg octet de puissance i fallot in magnétophone pour enregister sur l'bande .
j'ai core cha aussi ché tout neuf ringé dins les vieux souvenirs . in a des conversations d'mémère à tape in soupot qui dit à ch'tiot qui a 6 ans bos t'bière, cha fait drôle
Mi aussi, j'ai cor min viux magnétophone ! Ch'est un Grundig TK6. Ch'tot l'meilleu in...1962 mais aussi l'pu ker ! I pouvot fonctionner su piles , su 220V et menme el 110 V qui esistot cor à ch'momint là .
J'l'ai acaté 1000 F et si mes sov'nirs sont bons , ch'tot des nouviaux francs. Ch'tot bin ker mais comme j'tos cor garchon, j'n'ai pon busié longtimps pou l'acater. J'l'ai payé en 12 minsualités.
Des cops , j'acoute d'viux inrégistréments dé m'famile. Cha m'fait traner d'émotion maugré el tiot "brayage" des bandes ! Mais j'ai eu bocop d'chance.
En preume , à eine brocante , j'ai acaté el menme apparel ..pou 2 € ! Et don si i n'd'a un qui kée in panne , i m'rest'ra un aut' .
Et pis seurtôt, j'ai un névu qui est ingénieu du son . Edon , i'a mis el magnétophone in route et i'a acouté mes inrégistrémints su l'famile . I'a acouté el vox d'sin père (mort avant cha). D'après li, ch'tot pas vrémint l'sienne . Aveuc ses apparels i'a fait défiler les sons de l'bande à eine vitesse qui restituot eine bonne vox d'sin pére. Et in wardant el même vitesse, i'a copié les inrégistrémints su DVD !
J'sus dallé in Italie aveuc mi comarate Jean..in scooter Lambretta, SVP ! In muchette , j'ai inrégistré des gondoliers , des guites, des policiers à qui j'ermeudos min quémin, des garchons d'café et bin seur mes mononques , mes matantes et coeusins. Les gins dé m'famile , cha leur fasot dreule ed s'acouter !
Fot dire qu'à chomint là, les magnétophones portatifs ch'tot gramint rale! Ch'tot réservé foque aux jornalisses.
J'finis su eine anecdote comique. Un jour j'sus dallé, aveuc des comarates, vir un match ed fotbal, au state Nungesser. Et cha a mau tourné pou V.A . El public i merronot cont' l'arbite et i chifflot gramint!
J'ai inregistré les chifflots . Et quaind in est sorti, au mitan dé l'foule , à un indrot dus qu'in n'véyot pu el pélousse, j'ai mis l'apparel in marche aveuc el son maximum. Les gins ont intindu les chifflots et s'démandot'te dus qué cha v'not. Mes comarates et mi, in leu a fait accroire qué ch'tot l'public qui merronot cor cont' l'arbite !
Un comarate , v'nant d'eine aut' aile, i nous a arjoint et mis au courant d'not' farce , i leu a dit qu'des supporters avaient pousui l'arbite et qu'cha avot mal tourné pou ch'ti chi !
Et dire qu'mes pu vius inrégistrémints i z'ont pu d'50 ans !
Et i'a cor à dire gramint des farces aveuc min magnétophone !