les moules
par maurice devos le, 06/09/2015pisque ché l'momint des moules "braderie", cha m'arpinse al baignoire tout neuf qu'yavot din l'salle ed'bain din nous nouvelle mason , cité des fleurs à Lens
al servot seulemint qu'a laver ches moules , et à faire el rinçache d'el lessive , à tout quo , sauf pour s'laver , comme in étot 8 infants al mason y fallot grammint à minger, donc grammint d'moules , din l'baignoire yavot a chaque fos qu'chétos possipe plusieurs lites ed'moules
et j'arvos cor em'mère ployée in deux pour nettier chés moules , et yavot du boulot passe qui z'étotent vraimint sales "chés moules"
pourquo al servot pas ch'te baignoire " ???????? j'espliquerai cha l'prochaine fos ché pu l'heure ed'travailler pour mi , bon diminche
pourquo al pouvot pas servir ch'te baignoire , bin tout simplemint passe qu'al etot pas branchée à ch'réseau d'ieau,
derrière el cuisinière tout neuf aussi yavot un réservoir avec in arrivée et in sortie d'ieau , un tuyau ed' 20/27 in féral , qui allotent ach'ballon qui étot pindu din l'salle de bain
comme l'hiver ech'm'arlavot al mason , y fallot faire cauffer d'el l'ieau pour l'mette din ch'bacquet , chetot cor in corvée d'plus pour em'mère , mais pour elle j'étos trop fragile pour em'laver à l'fosse