Relais
par minloute le, 04/10/2015sur que j éto pas un lecteur attentif du magazine Relais, (anciennement la lampe au chapeau ), mais comme min père i l arcevo, jel parcouro quand meme ...
j acouto sin avis, pi aussi chti d'vigins qui le lizotent aussi
tout l' monte i éto contint d' l archevoir ....et tout l' monte i le critiquo
j' me souviens d' min père qui douto , tout haut, des annonces des zouillères quand à l avenir d' la région après l' carbon.....
du blabla tout cha ....... et i faijo armarquer am' mère que quequ'mos avant , y avo toudis un artique, chaque mos, sur un nouviau matériel qui allot et' mis in plache, eune nouvelle machine d eune performance qu in avo jamais vu...... ou des spécialisations d' mineurs sur certains explosifs (j' m in souviens cor) et qui dijo après " ch'est pas la peine d' faire un barouf parel alors que tout va et' freumé bientot ....
nan, ché gins i zavotent ker le journal Relais quand meme , tiens, rin que pour faire l' tour des popottes quand qui yavo des photos des départs en retraite
si m'mère ale faijo la vaisselle , mais qui arconnaisso quéqu un sur eune photo, i appelo m' mère , qui arrivo comme si yavo un drame familial qui allo arriver, ch'est là qu' min père i li faijo partager ses souvenirs " tiens chti chi , j' l a vu commincher et asteure y est al' artraite"
réponse d' ma mère " té pu tout jeune asteure" , l' pire chéto quand min père i li dijo un nom, t as vu untel y est al' artraite
m' mère ale savo pu qui ch éto , là min père i li arfaijo l historique d' es' carriere ach' gars là, comme si m'mère, qui éto restée al' mason à élever ché 4 infants , ale éto au jus de tout c' qui s ' passo à ché zateliers du 1 ou du 2, sans compter les collèques qui faijottent du syndicat
mi , j avo ker raviser ché bandes dessinées, m' mère ale feuilleto cha vite fait, yavo rin qui l interesso, meme ché paches "mode", ale avo "femme d aujourd hui" , "le petit écho de la mode" , "mode et travaux" comme liffes d' chevets...
par conte eune tchiote anecdote, durant un momint i zavotent décidé d' canger l' nom de " la lampe au chapeau" , et le nom prévu chéto "bruits et lumieres"
par conte y a eu un début , j allo dire d émeute, mais in tout cas les esprits se sont cauffés du coté de Marles et d' Auchel ...
ouais y a toudis eu eune "concurrence" entre ché 3 villes là, et y a des gins là bo qui avotent cru que ch' journal i allo s appeler "Bruay lumieres"....
ch' est min père qui me l avo raconté