Le 3 de Bruay-en-Artois (quartier A)
par GJD le, 20/10/2015Pour el’ partie (A) chell’ d’el’ fosse, comprise intre, l’rue Desseilligny, à droite ch’boulevard Basly, in haut, l’rue d’Pologne, à gauche l’rue Daguercar. On comminch’ toudis à droite à ch’carrefour Basly, Desseilligny : face à l’école Basly, l’boucherie Sénéchal, après l’plache juste derière éch’ cimetière du 3, l’rue d’Mazagram qui s’terminot par un’ voyette donnant sur el’ rue Daguercar à ch’coin du cimetière.
A ch’coin de ch’te rue et du boulevard Basly, ch’café Goossens, pis après l’rue d’Médéa avec au bout l’rue d’Batna à droite et l’rue d’Mascara , el’ rue d’Mostaganem et on arrif’ à ch’carrefour (à ch’t’heure un rond-point d’el rueDaguercar à droite, l’sentier d’Pernes, l’rue du bois et l’rue d’ Pologne. On tourne donc à gauche dins l’rue Daguercar (Titren), à droite l’rue Abdelkader, après l’rue du Duc d’Aumale, l’sintier d’Marles. In face du cimetière el’ rue d’Belle vue avec un passach’ à niveau et chés wagonnets qui passot’t au d’zeur sur des cables pour aller vider chés terres sus cht’terril du 3 à droite.
Donc in face l’cimitière et l’maison de ch’gardien avec d’ l’aut ‘ côté d’el’ rue, l’marbrerie Crasquin , aussi les fleurs Mayeux et pis un café. Et on arriv’ à l’fosse 3. Face à l’fosse, l’rue Desseilligny et chés rals d’éch train. Sus la gauche d’el’ rue Desseilligny, un café : « le Caveau » (pas loin d’éch cimetière, ché sympatique !) pis après l’coiffeus’ Pouchain et à côté un magasin d’fleurs et cadeaux du même propriétaire. ( y avot aussi un livreur d’carbon qui s’appelot Pouchain mais j’sais pas si ché l’même famill’) in déchindant on arriv’ à not’ carrefour ed’ départ, Basly, Desseilligny.
in bas à gauche su sentier de Marles à gauche y avot l'épicerie Bonini et ch' café Ringot, j'en va pas armette un sujet sur l' bistrot ej l'avos fait i a une paire d'années sur l' site et ne pas donner l'occasion à minloute d'in rajouter une couche...
par GJD le, 27/11/2015J'ajoute une carte postale de Bruay qui à mon sens présente l'intérêt de réunir la fosse 3 disparue et l'église Saint Martin qui le sera bientôt si ce n'est déjà fait.
( 3 photos)