Les jardinsl'canchon d'el marott'
par GJD le, 01/11/2015L’canchon d’el marott’
Quand on partot à travers camps pour éventuellemint aller à l’marott’, on avot un’ canchon qu’vous connaichez p’t’être. L’air vous n’ pourrez pas l’inteinte et j’vas donc vous l’écrire. Attention, ché pas à l’portée d’n’importe qui, ché du haut niveau ! L’problêm’ c’est que j’sais si qu’y un’ fin, nous in s’arrêtot là d’ù que j’vas l’faire. Attention,1,2,3 partez :
J’ai ‘té à l’marott’ à poires sur un pommier à ch’rich’s
J’intinds l’signaler
J’ai’té à l’marotte à poires sur un pommier à ch’rich’s eu.
Ch’gart’ y m’a vu y’ avot ses yeux fermés
J’intinds l’signaler
Ch’gart’ y m’a vu y avot ses yeux fermés eu.
Y’ a lâché sin tchien, sin cat y m’a mordu,
J’intinds l’signaler
Y a lâché sin tchien, sin cat y m’a mordu, eu
Au lieu d’saigner du sang, j’saignos du vinaig’
J’intinds l’signaler
Au lieu d’saigner du sang, j’saignos du vinaig’
V’là, y a peut- être un’suite et un’ fin mais j’el’sais pas, alors si qu’ des fos vous l’saurot, à vous d’juer !
A propos d’Chérich’s in peut aussi dire Kérisch ou ben cherch’s. Normal pisque Kirsche in allemand cha veut dire « cerise ». D’ù l’nom Kirsch, ch’alcool qu’on met dins un chocolat caud, ou des gâtieaux mais qu’est ben français et d’appellation contrôlée (Fougerolles)
Oui j'a treuvé el suite del canchon et même el canchon cantée, intre autre par Chti Robert et Guy Dubois , sur l'excellent site de videochti.fr :
http://www.videochti.fr/l-marotte-a-poires
