un ''bleu'' tout là haut
par minloute le, 01/11/2015bon cha y est Jacques, ch'est l' premier coup que te fais la toussaint , pas in bas, mais d in haut ...
am' mote, que cha do t'canger, in tout cas pour mi j a bin pinsé à ti té sais
j auro jamais cru, in auro jamais cru in début d année, que t auro rindu t' taillette queq'mos après
sur que t as toudis été prudent sur ch' sujet là, "eh j a 79 ans asteure " ....
mais comme t éto toudis in route, un coup par chi un coup par là ....
ou à réparer l' carette, ch' manicraque, à inléver ch' papier peint pour arfaire ché pieches .....
j' pouvo pas imaginer que té m auro laissé comme cha , in cours d' route ......
sur qu in plus ché derniers mos, té nous as donné bin des soucis, pire, té nous a donné d' l' espoir , pour que patatra au mois d aout qu in sache que cha sera pu qu eune question d' semaines ......
bon mais arvenons à ti, donc aujourd hui t éto un "bleu" , ptete que té nous a ravisé d in haut, in tout cas, mi j' a bin pinsé à ti min camarate .........