Les jardinszavez archu ?1
par minloute le, 29/11/2015euh chéto pas mi qui collo ché timpes ...
nan mi j éto espécialiste d' arriver à in coincher dans les mailles d' min pull over, ou par un geste "pas fait d'expres" j arrivo à in faire querre à terre
là , m'mère d un naturel plutot calme, là ale rigolo pas, ché timpes chéto comme ses sous, cha allo li permette d' canger l' nappe et ché serviettes, ou l' cocotte mineute dins les années fastes .....
nan chéto des produits de qualité, et m' mère tout in collant ché timpes, ale calculo souvint pour vire combien qui li resto pour avoir dro à tel ou tel cadeau
ale avo récupéré en meme temps qu' ché feules collectrices, eune brochure du que d'sur , y avo les fameux cadeaux, qu ale convoito
j' voyo ché feules s' rimplir, eune couleur par feule, ou plutot eune couleur par valeur, ch' timpe éto d' couleur différente si ch'éto un timpe de 1 ou 2 ou 5 francs, sans parler des centimes , ouais pasque y a eu un temps du qui fallo que 3 pieches d' 50 centimes pour s acater un paquet d' gauloisses ...
eune fo ché feules remplies, quand que mère ale artourno à la coopé, ale donno ché feules al' caissiere, ale vérifiotent insempe l' montant que cha faijo, m'mère ale avo rintré ses coordonnées, ch' magasin i allo met' sin tampon su ché feules et invoyer tout cha au sieche d' la coopé, et quequ' semaines après , m' mère ale récupéro sin cadeau et ale éto toudis bin continte
