si j'devo parler d' la noel
par minloute le, 22/12/2015si j' devo parler d' la noel en quequ'mots , j' diro
"papier rocher" chti que m'mère ale metto dins l' creux du buffet del cuisine, et qu après in allo y installer la crèche
"valisse marchands frère" , chéto eune valisse en carton , que d'dins y avo du avoir un costume vu que ch'éto marqué en travers, en lettes d écriture, "Marchand Frère", d' dins y avo ché personnaches del creche, tous inmaillotés dins des feules d' la voix du nord qui datotent pour certaines d' plus d' 20ans, (dans eune famile d' magasinier, in jetto rin , cha pouvo toudis servir ...)
"tchiot calendrier " savez ceux qui s arplient in deusse et qu in peut avoir dins sin portefeule ...
j a le souvenir d un que d' sur in voyo un tacot noir et jaune, et d'dins, depuis l' début du mo d' décempe, j' barro ché jurs, compto , arcompto combien qui in resto pour arriver au 25 matin.....
"séries télé" , ah ouais à l époque , au début des années 70, yavo chaque année al' périote d' noel, un feuilleton qu in suivo durant plusieurs jours, comme chi i nous permetto d ' patienter jusqu au 25 matin
j a en tiete, "l ile mysterieuse" , pinnochio ....et meme un peu plus tard, les brigades du tigre .....
"guirlantes et boules", ouais chéto pas comme asteure qu in fait l' sapin presque en novempe, vous m' direz, in a djà archu les publicités pour la semaine du rangement du début janvier ...... nan à ch' t époque là , pas si vieille, in faijo l' sapin juste l' samedi avant la noel, in fait au tout début des vagances , comme cha cha nous occupo
enfin chéto sinsé nous occuper, pour nous calmer, mais rin qu à vire ch' sapin, mon diu, combien d' coups que j a intindu " minloute arcule d' là, té va tout faire querre" ....
et j' finiro par " l attinte" , mon diu qu in éto énervé, mon diu qu in compto ché jurs ,ché zheures, pour arriver ENFIN au soir du 24 .....
là , pas facile d' s indormir .........mais là ch'est eune aut' histoire .....