carbon ....et carbon par André Paillart
par minloute le, 05/01/2016L'anthracite a eune faible teneur in matières volatiles et eune combustion régulière avec pas gramint d' flammes.
Les demi-gras ont eune teneur moyenne in matières volatiles et brûlent avec d' bonnes flammes.
Y ont tendance à s'agglutiner in gonflant moyennemint.
Les gras, eusses y gonflent in brûlant, in les utilisot pour faire du coke.
Les flambants ont eune teneur in volatiles importante, y brûlent in faisant des grandes flammes.
In règle générale: plus y a d' matières volatiles dins l' carbon plus y brûle vite.
In définissot aussi l' carbon d' par sin calibre; ch' étot dins les lavoirs qu' y étotent triés, calibrés et lavés.
Ché c' qu'in appelot les fines ( particules de 0,6 à 0,1 mm ), les graviers, les gailletins...
In réponse à l' question à Minloute, les boulets étotent fabriqués in agglomérant des fines avec du brai qui est un des produits obtenu à partir de l' distillation du carbon.
Les boulets étotent parfaitement adaptés pour ché convecteurs à carbon, qu'on a tous connus dins les années 1960 à 1970.
les briquettes, objet d'un aute sujet récent, ont longtimps servi d' combustible à ché chaudières industrielles et parfos domestiques mais aussi ché locomotives.
L' qualité du charbon dépindait surtout d' sin pouvoir calorique et ch'étot important
Les nouvelles énergies, comme in l' sait tous ont mis fin à l'exploitation de l'or noir dins nous région.
Quand on pinse qu'eune tonne d' carbon pur, ché à dire l' carbon idéal qui in pratique n'existot pas sauf dins les laboratoires des Houillères, produisot 8 millions d' calories, eune tonne d' fioul qui coûtot deux fos moins cher à extraire, produisot 11 millions d' calories.... Y avot pas photo....