journal la voix du nord
par minloute le, 17/01/2016so té l acato et té pouvo et' livré à domicile, tot au matin , so té pouvo bin sur aller l acater ach' marchand d' journeaux, ou t attindo qu' tin vigin i tel' passe ...
clac qui faijo ch' clapet del boite à lettes quand que ch' jurnal i quéyo d'dins ...
pas toudis al' meme heure, so j intindo m' mere dire, qu ale éto cor au lit,et qu as' levo, "bin y est pressé aujourd hui ch'tit Louis"....
so qui zétotent djà déchindus , min père et m' mère et que ENFIN in intindo l' clac del ' boite à lettes
ouais, y a pas plus impatient qu in artraité .......
allez au matin d' vant ché hypermarchés, avant l ouverture, ché premiers clients, près à bondir à l intérieur, ch'est eusses ...
bon arvenons à la voix du nord, m' mère ale allo l' querre et l ameno à min père qui éto assis à tape et qui lijo les grands tites avant d' commincher à printe sin pitit déjeuner
les grands tites, chéto lire les tites d' la une, pi raviser vite fait sul' pache consacrée à bruay les berdoules, vire c' qui yavo d' publié
pitit déjeuner passé, min père i resto à tape, et i lijo " plus fin'mint" ch' jurnal, m' mère assisse à coté d' li et qu ale pouvo ENFIN minger aussi , vu qu ale avo servi min père, qu ale avo débarassé pour qui puisse lire sin jurnal
faut dire que m'mère souvint ale avo djà fait min jus d oranche, fait cauffer ch' lait, installé ché bols ,ch' burre et ché coutiaux sans oublier qui y a des coups ale bravo la nuit pour aller querre sin pain coupé....
min père i raviso i raviso ché nécrologies, tiens Odette, l' fils untel chti qui éto marié al' file bidule, j' l avo connu au 2 à l atelier...(grand silence ) bin y est mort ...
djà i raviso quand que chéto prévu l enter'mint , comme cha i allo y aller
après avoir parcouru l' rubrique nécrologique , i arvenno al' page d' bruay, raviso dans l' détal les zartiques, réagisso souvint quand qui yavo des sujets comme "un asquident rue chosse" "vol à la roulotte" "fu dans eune mason du coron du chinq" , quequ' fo i ralo en voyant des photos "ah chtilale toudis in avant pour ché photos, mais quand que té veux l' jointe ch est la croix à la banniere", "un roi du rond d'gambes chtilale"
la voix du nord chéto sin divertiss'mint, i attindo aussi ch' facteur qui li livre la croix du nord, là i l étudio , i le liso pas, souvint après minger, ch'est à dire qui lijo pi qui s endormo après ......
pour arprinte la lecture après qui a dit " j a dormi Odette? "
alors que tout l' rue leverrier ale a du mette des boules quiesse, protéger ché vites avec du scotch, tel'mint i ronflo fort ....
yavo quand meme eune pointe d ironie quand qui d'mindo si yavo dormi ....
eune fo ch' jurnal lu, bon mi j avo été vire la pache des esportifs , du qu in s'demindo (déjà) si valenciennes, ou plutot v a , et lens si zalottent pouvoir rester en premiere division vu ché résultats plusque poussifs
sans oublier le losc qui éto en miyeu d tableau en seconte division
j avo mis d' coté la page des mots croisés géants du vendredi
et ch'jurnal , bin plié i parto à la barraque au bois