revue d arsenal 2

in va faire "briquet" deux mineutes

eune fos qu in éto réunis dins l' pature, in s éto donné rendez vous à telle heure, cor que chéto nos parints qui décidotent ......

in s' réunisso au beau miyeu del pature, ouais in resto pas devant pasque dins ché corons, mais ch'est partout parel , y a toudis des gins qui ont ker faire trainer leu zoreles ...

in s' méfio d eune paire d'vieles garnoules, mais aussi d'eune paire d artraités, qui avotent ker raviser c' qu in faijo ou surtout si in faijo pas d' bétisses

am' mote i zavotent pas grand cosse d aute à faire à part leur gardin .....

là , eune fos réuni, in montro s' n attiral, vire quo qu in avo comme arme

après in décido à quo qu in allo juer, pi ensuite in formo ché zéquipes

pas toudis facile à faire, ah nan ch'est pas équilibré zavez tous ché fusils et nous que ché pistolets ...

après in faijo cha aussi par affinité .....

souvint yavo eune équipe qui allo s' camucher au bout del pature du qui yavo chez broussalles, pas loin du fameux cerisier

les zautes in éto partis du coté des garaches, bon là fallo pas trop trainer pasque ché gins i zavotent pas ker qu in reste par là bo, so qui zavotent leu portes d' garache ouvertes, so i craignotent qu in abime ché portes .....

d' là , in décido commint qu in allo attaquer, un qui allo avancer sans trop s'camucher pour attirer l attention, et permette aux zautes d avincher en rampant

ou alors , mais cha chéto d' la triche, in profito qu' ché blés i so haut pour déboucher au dernier momint sur eusses .....

l' meilleu coup qu in avo fait, in éto arpassé par la rue leverrier et in éto armonté vers eux par un terrain qui éto pas contruit le long d' la rue anatole france

mais in évito d y passer trop souvint , vu que ch' coin là chéto not' coin favori pour un aut' jeu qu in faijo , chéto tirer les sonnettes pi s' sauver après in courant

faites pas ché offusqués , vous l avez tous fait ......

in juo donc souvint en deux équipes mais cha nous arrivo d' déambuler tous ensempe, et là chéto souvint pour faire des bétisses
so rintrer dins ch' verger qui éto juste à coté, cor facile d accès pasque l' cloture béton ale éto bin mal en point ach' t indrot là

sur que chéto ch' tracteur qui labouro ch' camp qui avo du y rintrer d' dins ....

alors là, in avo l' coeur qui batto à 100 à l heure, rintrer comme cha dins l' gardin, aller à maraute comme in dijo, rintrer et arsortir sans s' faire vire ....

zaurio vu l' volée d' moniaux un coup qu in s a fait printe, et là savez, tout coboles qu in éto, meme si in éto "armés" in in meno pas larche quand que ch' l homme y a surgit du coin des' mason ........

mais j' vo que j' vous a pas cor parlé des pistolets, bon in continuera l inventaire d' main mes gins