revue d arsenal fin
par minloute le, 11/02/2016ché pistolets, bon là mi j' éto un espécialiste... car j in a eu, j in a eu ....
faut dire que plus brisaque qu' mi fallo s' lever tot ....
j in a eu in plastique j' sais pu combien, des pas solites, que chéto en plastique transparent, qu in acato cha à la ducasse et qu' dins y avo comme des smarties ...mais en moins bon
in s in fouto , chéto l' pistolet qu in voulo, mais chtilale, ch'éto rare si ch' canon i teno l' coup au bout d' 15 jours .....
j a eu des revolvers, des colts aussi, savez ceux avec des tchiots canons
grinmint souvint en plastique et la plupart du temps ch' barillet i tourno pas i éto factice .......
quand que j' dijo que j éto brisaque, as' deminder commint que j' faijo cha qu ale dijo m' mère, j' arreto pas d' coincher l' gachette
alors pour les réparations , m' mère fallo pas trop y compter, et min père si cha réussisso pas tout d' suite ,i s énervo , et là t argretto d' li avoir confié tin pistolet, cha li éto arrivé d' el casser plus qu' mi .....
j in a eu un que j a eu ker avoir longtimps, i éto en plastique ch'est vrai, mais du solite d' solite, d ailleurs min frère im' l avo dit , ch' est li qui m' l avo acaté chéto un "made in germany"
pistolet en plastique gris, avec eune collerette dorée au bout dech' canon , et zaller dire un barillet qui tournot ?
bin nan , miu qu' cha, si t appuyo sur un crochet qui yavo d' sur , t avo eune partie qui pivoto en avant et là miraque, té pouvo intiquer d' dins eune bande d' pétards à claquer
ch'est pas comme asteure du que ch'est eune espéce d' rond in plastique qu in vient mette dins ch' pistolet
nan la chéto eune bande d' couleur rouche ,avec tous les centimetes eune tchiote bosse que chéto eune poude à pétard
eune fo l' bande mis à l intérieur, t appuyo sul' détente et clac à chaque coup cha faijo un tchiot boucan d' détonation
j avo ker l odeur que cha dégageo , eune tchiote odeur de poude et in plus in pouvo comme ché coboles souffler un peu au bout dech' canon pour faire partir l' finquée .....
après fallo faire attintion à ché bandes à pétards, fallo pas qu ale prennent l humidité
si té voyo que l' bande ale éto rouche clair, té pouvo et' sur que cha marchero pu .........
deux derniers souvenirs sur ché pistolets, pas forchémint bin gais
savez commint qu on est à l école, in échange des juets ou on s' les racato, meme si ché parints, in tout cas les miens i zétotent loin d' ete cauds à ch' t idée là
un coup in avo un camarate d' classe qui habito rue de paris qui a venu juer avec nous et i avo , chéto eune réplique in juet du colt remington 1858
j' ma cor rinseigné sur internet pour l artrouver
tout in fer, et in metto des pétards d' dins , i éto un peu abimé au bout mais j' li avo acaté
sauf que 2 s'maines après in juo avec eune aut' bande qui éto d' la rue anatole france, mais limite avec la cité des electriciens
et qui a un gars qui quand qui a vu min nouviau révolver, i voulo m' l arprinte, pasque i pinso l avoir perdu dans ché camps
cha a été bagarre , pi après in s a expliqué quand meme, et quand que j y a dis que j' l avo acaté à untel, i s a douté que ch' gars là qui éto avec li ch' jur là , i avo du l' récupérer pour li meme
mais i voulo toudis l' récupérer, mi j' voulo pas i ardonner
y a promis qui viendro avec sin père, mi j a été expliqué à min pere d' min coté, et in fait y a jamais v'nu, par conte l aute, chti d' la rue d' paris, ses parints ont été prévenu et y a pris eune sacrée raclée
mais ch'est pas l' souvenir que j' garde l' plus, ch'est un souvenir que j a toudis gardé envers mi, mais qui m a toudis extrem'mint troublé par la suite
in avo un camarate qui veno d'temps en temps juer avec nous, et un coup y a vénu avec deux pistolets, mais à les vire in auro dit des vrais, d ailleurs i zétotent pour nouzautes d un poids excessif
savez comme chi chéto des révolvers d adulte, in plus quand qui nous les a montré in éto qu' trois et in voyo qui voulo pas que cha s' sache, i nous avo dit qui les avo pris dans l' tiroir d' sin père ......
in y jué qu un coup d ailleurs , et in a su quequ' mos plus tard que sin père i s éto donné la mort avec son arme à feu....