dins ché dunes partie 3
par minloute le, 14/02/2016y a un endrot que j a vo pas ker aller, bin sur min cousin li i avo ker , chéto l' mare qui yavo in bas des dunes
mi j' avo pas ker, pour plein d' raisons
d' abord quand que té marcho dins ch' sape mouillé, i collo à ché zortiaux, et i yéto tout gris
in plus yavo d' tchiots oyats qui i poussottent et cha piquo à tes pieds quand que té marcho d' dins
pourquo aller marcher d' dins d ailleurs, in avo pas rin pour s essuyer après , sinon s'les frotter avec du sape
pi marcher dins ch' t io là, un peu troube, sans compter l' fond qui éto tout mou, beurk beurk beurk
mais ch'éto pas pour cha qu in allo dins ch' coin là, nan min cousin i cacho après c'que j appelo des garnoules, mais ch'éto des tchiots crapauds
tchiots crapauds couleur sable , que j ' faijo toudis attention du que j m avinturo , avec eune mine d' dégout , avec l'appréhension d' marcher sur un
bin sur j auro pu rester au bord, mais là j éto traité d' peureux , d' bébé , alors j y allo quand meme
in plus des tchiots crapauds, i cacho après des salamandres, savez ché tchiotes bestioles un peu comme des lézards d' couleur noir et jaune
beurk beurk beurk, d ailleurs j a jamais été bin attiré par les sciences naturelles ...
d ailleurs , quand qu in parto juer dins ché dunes, in "parlemento" , pasque y a des coups min cousin i dijo qu in allo juer aux coboles, et eune fo arrivés in haut del dune, i dévalo comme un dératé jusqu al' mare ........