dins ché dunes partie 5
par minloute le, 14/02/2016comme j' vous a dit juste avant, in y resto pas longtimps au rio grande
d' abord in éto juste à coté du "territoire ennemi" , d' l aute coté du ruisseau (in plus coté stella plache que nous in avo pas ker, in éto de merlimont nouzautes ...)
pi yavo aussi l' montre à min cousin , qui raviso souvint, pasque fallo rintrer à l heure
zavotent pas ker ché parints quand qu in traino trop pour rintrer
in plus cha midi , in prennotent l apéritif so al' mason d' mes parints ou à celle d' min cousin
et en rintrant in avo dro au "consel de révision" , du qu' vous zétiotes, quequ' fos i nous pozotent des questions pieches
"j' su monté in haut et in vous a pas vu", ou alors " y a des gins qui sont montés là haut et i vous ont vu plus loin" ..
donc fallo rintrer à l heure
pour arvenir fallo s' motiver, pasque meme si zallez dire, bin y a pu qu'à retourner et zallez mette ch' meme temps, fallo quand meme compter sur la fatique qui allo s accumuler dins nos mollets ...
pi qui yavo plus d' montées pour arvenir qu à l aller .....
pour s' motiver, nous, troupes réguyeres d' l armée américaine, ché "ianqui", bin souvint quand qu in arvono vers merlimont, min cousin i dijo qu in avo été arpéré par les apaches, qui zavotent fait del finquée pour signaler not' présence
cha nous donno d' l energie pour arfranchir ché séries de tchiotes dunes, du courache pour armonter l'quemin bin raite du qui yavo , près , d' chaque coté, ché zarbustes à piquants ....
plus in s'rapprocho d'chez nous, in s arpéro au clocher d' merlimont, mais y a des coups in avo l impression qui approcho pas, allez in s ardonno du courache pour arriver in haut , dévaler à toute blinte l' derniere déchinte pour armonter su ché cretes ...
eune fo su ché cretes, in éto plus rassurés, in arvéyio ch' chateau d io, pi eune partie d' merlimont
cha y est, cor eune tchiote déchinte, nous vlà sul' derniere crete, et in bas, enfin in pouvo vire les masons d' nos parints , suffijo pu alors qu à s' laisser déchinte jusqu al' rue adolphe leroy
du qu in arprenno not ' souffe , pour arriver à ché masons, sans et' essouflés
mais cha vous l' saviez déjà ......